Matiyu 27:43 - Songhai de Gao Bible

⁴³ A na nga boŋ talfi Irkoy ga. Sohõ a mʼa feeri ya, nda a ga bagʼa, zama a nee: ‹Irkoy Izʼaroo ti agay.›»

Matiyu 27:43 ပူးပေါင်းရင်းမြစ်များ

Zaburey 14:6

War ga alfukaaroo goyey kaŋ a ga baa nga mʼi tee hasara. Abadantaa ti nongoo kaŋ ra a ga nga boŋ talfi.

Zaburey 22:8

Boro kul kaŋ dii agay, gʼay haari-haari , i ga mee daŋ ay ga, i ga ngi boŋey zinji-zinji ka nee:

Zaburey 3:2

Ya Abadantaa, ay torrokey ga boobo, borey kaŋ tun ya ne ga boobo.

Zaburey 42:10

Ay ga nee ay Koyoo, ay Tondoo se: «Macin se ni dirɲa agay? Macin se ay ga dira nda gaaham buunay, iberoo šiitaroo maaganda?»

Zaburey 71:11

ka nee: «Irkoy nʼa fur, wʼa gaarandi kʼa dii, zama boro sii no kaŋ gʼa kaa kabe.»

Matiyu 27:40

ka nee: «Ni kaŋ ga Irkoy hugoo kayri kʼa cin jirbi hinza ra, ni boŋ hallasi! Nda Irkoy Izʼaroo ti ni, zunbu kanjandibundoo ga!»

Matiyu 27:54

Jalakoynoo nda borey kaŋ goo a bande ka Isa hawgay dii laboo jijiroo nda hayey kaŋ tee, i hanse ka hunbur, de i nee: «Nda cimi, woo Irkoy Izʼaroo no.»

Luka 23:35

Alžamaa ga kay i ga guna. Alwakiiley gʼa fude ka nee: «A na boroyaŋ hallasi, a ma nga boŋ hallasi, nda Almasihu no, Boraa kaŋ Irkoy nʼa suuba.»

Luka 23:37

I nee a se: «Nda Alyahuudey kokoyoo ti ni, ni boŋ hallasi!»

Yehiya 10:30

Agay nda Baabaa Irkoy, ir ti affoo.»

Yehiya 10:36

boraa kaŋ Baabaa Irkoy nʼa jisandi jere ga nga boŋ se kʼa sanba aduɲɲa ra, war, war nee: ‹Ni mma Irkoy wow›, zama ay nee: ‹Irkoy Izʼaroo ti agay.›

Yehiya 19:7

Alyahuudey nʼa zaabi ka nee: «Ir, ir goo nda ašariyaa, ir ašariyaa ra, a mma hima ka buu, zama a na nga boŋ tee Irkoy Izʼaroo.»