Matiyu 25:6 - Songhai de Gao Bible

⁶ Cijinoo gamoo ra, kaati foo tee ka nee: ‹Aruhiijoo ne, wa fatta kʼa kubay!›

Matiyu 25:6 ပူးပေါင်းရင်းမြစ်များ

Zaburey 96:13

Abadantaa jine, zama a goo ma kaa, zama a goo ma kaa ka laboo ciiti, a ga aduɲɲa ciiti nda šerretaray, a ga nga cimoo ka jamawey ciiti.

Zaburey 98:9

I ma woo tee Abadantaa jine, zama a ga kaa ka laboo ciiti, a ga aduɲɲa ciiti nda šerretaray, a ga jamawey ciiti nda fondaa.

Matiyu 24:31

A ga nga almalaykey sanba nda laati beeri hẽeni beeri hala i ma nga boro suubantey marga ka hun gandaa kanje taacaa kul ga aduɲɲa boŋ foo ga ka koy boŋ faa ga.»

Matiyu 24:44

Woo se war mo ma soolu, zama waatoo kaŋ war sʼa hongu ra Boro-izʼaroo ga kaa.»

Matiyu 25:1

«Hanoo din, beenaa Laamaa ga hima nda hondiyaw woy (10) kaŋ na ngi fitillawey zaa ka fatta ka koy aruhiiji taagaa kubay.

Matiyu 25:31

«Waati kaŋ Boro-izʼaroo kaa nga daržaa ra, nda nga almalaykey kul, a ga goro nga kokoy gorodoo daržantaa ra.

Matiyu 25:5

Kaŋ aruhiijoo gay a mana kaa, i kul dusungu ka jirbi.

Matiyu 25:7

Hondiyawey kul tun ka ngi fitillawey hanse.

Luka 12:20

Amma Irkoy nee a se: ‹Saama, hõ cijinoo hunday ni hundoo ga taandi. Hayey kaŋ nʼnʼi soolu, may no ma duu ey?›

Luka 12:46

tamoo woo koyoo ga kaa zaari kaŋ a sʼa hongu ra nda waati kaŋ a sʼa bay ra. A gʼa zukandi futu ka nga nda borey kaŋ si naanay tee affoo.

Tesalonik borey bataga 1na 4:16

Zama ir Koyoo hunday ga hun beenaa ra ka zunbu waati kaŋ yaamar kaati foo, nda almalayka jinehun foo kaatoo, nda Irkoy laati beeroo jindoo tee, borey kaŋ buu i goo Almasihu bande no ma tun jina.

Piyer bataga 2to 3:10

Woo kul, ir Koyoo zaaroo ga kaa sanda zay. Hanoo din, beenawey ga dere nda hoolo beeri. Hayey kaŋ goo i ra ga menne. Gandaa nda hayey kaŋ ga tee a ra ga ciitandi.

Bangandiroo 16:15

– «Nga ne, ay ga kaa sanda zay. Boraa duu gomni kaŋ ga hanna cijin nda zaari, kaŋ ga nga bankaarawey dii hala nga masi dira nga gaa koonoo, borey masi dii nga haawoo.» –