Matiyu 24:39 - Songhai de Gao Bible

³⁹ I mana haya kul bay hala waatoo kaŋ ra hari beeroo kaa kʼi kul tuusu. Takaa woo da cine no ma tee Boro-izʼaroo kaayanoo ga.

Matiyu 24:39 ပူးပေါင်းရင်းမြစ်များ

Šintinoo 7:23

Irkoy na haya kul kaŋ ti hundikoyni kaŋ goo laboo ga tuusu kʼi derandi, ma dii za nbunadam hala adabba, hala labukoy, hala ciraa, i kul tuusandi ka dere laboo boŋ. Nuhu nda wey kaŋ goo a bande hinne ka hallasi.

Yaasawey 23:35

Nʼga nee: «I nʼay kar, ya na maate haya kul! I nʼay barzu, ya na bay! Nda ay tun, ay ga baa koyne!»

Yaasawey 24:12

Nda ni nee: «Ir si bay.» Boraa kaŋ ga bine fesufesu nka si bay wala? Boraa kaŋ ga hundi hawgay nka si bay wala? A ga boro bana ka sawa nda nga teegoyoo.

Yaasawey 29:7

Boro šerrante ga talkey misoo bay, boro laala si faham a se.

Matiyu 16:27

Boro-izʼaroo ga kaa nga Baabaa Irkoy daržaa ra, nga nda nga almalaykey. Waatoo din a ga boro foo kul bana ka sawa nda nga teegoyoo.

Matiyu 24:3

Woo banda ga, kaŋ Isa goro Zaytuɲaŋey tondi hondoo boŋ, nga taalibey man a jere ga ka nee: «Waatoo har ir se kaŋ a ga tee, de mo macin ti ni kaayanoo nda zamanoo benantaa tammaasaa?»

Matiyu 24:30

Waatoo din Boro-izʼaroo tammaasaa ga bangay beenaa ra. Aduɲɲa alkabiilawey kul ga binehẽenay, de i ga dii ‹Boro-izʼaroo ga kaa duulawey ga ka hun beenaa ra› nda gaabi nda darža beeri.

Matiyu 24:37

Hayaa kaŋ tee Nuhu zaarey hane, takaa din da no ma tee Boro-izʼaroo kaayanoo ga.

Matiyu 24:40

Waatoo woo, boro hinka kaŋ goo faari ra, affaa ga zandi, affaa ga naŋandi.

Luka 19:44

I ga ni say, ni nda ni izey kaŋ game ni goo. I si tondi foo naŋ affoo boŋ, zama mana waatoo bay kaŋ Irkoy kaa ni do ka ni faaba.»

Yehiya 3:20

Zama boro kul kaŋ ga goy laala tee, mma konna gaayoo, a si kaa gaayoo here, nga teegoyey masi bangay.

Teegoyey 13:41

I nee: ‹Borey kaŋ ga boro konnay, wa guna, war boŋey ma haw, war ma dere, zama ay ga teegoy foo tee war zamanoo ra, teegoy kaŋ war si naanay a abada nda boro nʼa deede war se.›»

Rom borey batagaa 1:28

Takaa kaŋ nda i mana ceeci ngi ma Irkoy bay, Irkoy nʼi naŋ i ma hanga ngi lakkal šiirey bande hala i ma haya tee kaŋ si hima.

Piyer bataga 2to 3:5

Amma haya foo goo no kaŋ i ga muray ka dirɲa a, za gayyan beenawey nda laboo mana hun kala hari ra, i ga kay mo haroo gamoo ra Irkoy meešennoo albarkaa ra.

Alkaaley 20:34

Wongu-ize suubante zenber woyaa (10.000) hun Izirayel kul ra ka kaa Gibeya tenje. Wongoo koron, Benžameŋ borey si tammahã wala bone ga duu ngi.