Matiyu 2:22 - Songhai de Gao Bible

²² Amma kaŋ a maa kaŋ Arkelus no ma Žude laama nga baabaa Herod dogoo ra, a hunbur ka koy no din. Irkoy šelaŋ a se handiri ra, a koy Galile gandaa ra.

Matiyu 2:22 ပူးပေါင်းရင်းမြစ်များ

Zaburey 121:8

Abadantaa ga ni lakkal waati kaŋ nʼga fatta nda waati kaŋ nʼga willi kate, za sohõ da hala abada.

Zaburey 48:14

ka nga cetewey guna ka boori, wa nga kokoy hugey laasaabu ka duu kʼa deede zamanoo kaŋ ga kaa borey se.

Zaburey 73:24

Nʼgʼay hoyray kʼay gongu, woo banda ga, nʼgʼay ka koy daržaa ra.

Matiyu 1:20

A goo ma miile kaŋ ir Koyoo almalayka foo ne ka bangay a se handiri ra ka nee a se: «Isufi, Dawda haamaa masi hunbur ka Maryama zaa, a ma tee ma ne wande, zama gundoo kaŋ a nʼa zaa, Hundi Henanantaa hinoo kʼa tee.

Matiyu 2:1

Isa hayandi Betelehem, Žude gandaa ra, kokoyoo kaŋ se i ga nee Herod zamanoo ra. Handaray bayraykoyniyaŋ ne ka hun waynahunay ka kaa Žerizalem,

Matiyu 2:19

Waatoo kaŋ Herod buu, ir Koyoo almalayka foo ne ka bangay Isufi se handiri ra Misira.

Matiyu 2:21

Isufi tun, a na zanka taanaa nda ɲaŋoo zaa, de a koy Izirayel gandaa ra.

Matiyu 3:13

Alwaatoo din, Isa hun Galile ka kaa Yehiya do Žurdeŋ isaa here hala a ma nga batize.

Luka 2:39

Waatoo kaŋ Isufi nda Maryama na hayey tee kaŋ ir Koyoo ašariyaa nʼi yaamar i mʼi tee, i willi Galile ka koy ngi koyraa ra kaŋ ti Nazaret.

Yehiya 7:52

I nʼa zaabi ka nee: «Ni mo, Galile boro ti ni? Fisi ka guna, nʼga dii kaŋ annabi si hun Galile.»

Samiyel 1na 16:2

Samiyel nee: «Taka foo nda ay ga koy? Nda Sawul maarʼa, a gʼay wii.» Abadantaa nee: «Ma koy nda ni bande haw zan, ma nee kaŋ ni nka kaa ka sargari kaa Abadantaa se.