Matiyu 18:15 - Songhai de Gao Bible

¹⁵ «Nda ni armaa duu [ni ga] zunubu, koy zunuboo cebe a se ni nda a hinne game. Nda a na haŋajer ma ne, ni duu ni armaa.

Matiyu 18:15 ပူးပေါင်းရင်းမြစ်များ

Zaburey 141:5

Nda boro šerrante nʼay kar, gomni no, nda a kašeta ay ga, jii no kaŋ goo ay boŋoo ga. Ay boŋoo si wanji a, ay ŋaarayroo ga duu ifutu ga fondo.

Yaasawey 11:30

Boro šerrante teegoyoo manʼti kala tuuri kaŋ ga hunayan noo, lakkalkoynoo ga duu borey.

Sargarey 19:17

Masi ni armaa harram ni binoo ra. Masi goro mana ni gandaa boro daŋ fondaa ra, nga ra nʼsi nga zunuboo zaa.

Matiyu 18:14

Takaa din da, manʼti war Baabaa Irkoy kaŋ goo beenaa ra ibaayoo no boro kaccey wey affoo ma dere.»

Matiyu 18:21

Woo banda ga, Piyer man Isa ka nee a se: «Ay Koyoo, ay armaa kaŋ ga zunubu tee ay ga, hala cee marje no ay ga hima ka yaafa a se? Hala cee iyye wala?»

Matiyu 18:35

Takaa woo da no ay Baabaa Irkoy kaŋ goo beenaa ra gʼa tee war se nda war affoo kul si yaafa nga armaa se nda nga binoo kul.»

Rom borey batagaa 12:21

Masi naŋ ilaala ma hin ni, ihenna ka hin ilaala.

Korent borey bataga 1na 8:12

Nda war duu zunubu war armey ga nda takaa woo, ka ngi fahamay kaccaa maray, war na zunubu tee Almasihu jine.

Korent borey bataga 2to 7:12

Adiši, nda ay hantum war se mo, manʼti goy futu teekaa wala boraa kaŋ se goy futaa teendi se. Ya nka hantum hala bajoo kaŋ war gʼa tee ir se Irkoy jine ma bayrandi war se.

Galati borey batagaa 6:1

Agʼarmey, nda boro diyandi laybu kul kaŋ teeyanoo ra no, war kaŋ Irkoy Hundoo ga war gongu, wa boraa daŋ fondaa ra nda bineyaynay. Ma hawgay ni hunday masi koy siyandi.

Kolos borey batagaa 3:13

War ma cere suuri, nda war affoo na dori tee nga cinaa se, takaa kaŋ nda ir Koyoo yaafa war se, war mo ma yaafa cere se.

Tesalonik borey bataga 1na 4:6

Woo ga, boro masi kaŋ nga armaa ga, a masʼa tooɲe, zama ir Koyoo ti hayey wey kul faasakaa, sanda takaa kaŋ nda ir bay kʼa har war se, ka yee kʼa šendandi war ga.

Tesalonik borey bataga 2to 3:15

Amma woo kul, war masʼa dii sanda iberi, wʼa hoyray sanda arma.

Tit batagaa 3:10

Boro kaŋ ga borey fay, a moorandi ni, nda nʼnʼa gagay cee foo, cee hinka.

Piyer bataga 1na 3:1

Takaa din da, war mo woyey, wa yee ganda war kurɲey se, hala ba nda boroyaŋ goo i ra kaŋ si haŋajer Irkoy meešennoo se, wandey dira takaa mʼi ka naanay bila šenni,