Matiyu 15:28 - Songhai de Gao Bible

²⁸ Isa zaabi ka nee woyoo se: «Woyoo, ni hanse ka naanay. Woo kaŋ nʼga baa ma tee.» Za alwaatoo woo, nga ize woyoo duu baani.

Matiyu 15:28 ပူးပေါင်းရင်းမြစ်များ

Ayuba 13:15

Ba nda a gʼay wii, ay ga wakkal a ga. Ay gʼay misoo har a se.

Ayuba 23:10

Ka gar, a ga fondaa bay kaŋ ga ay goo, nda a nʼay sii, ay ga henan sanda wura.

Zaburey 145:19

A ga borey kaŋ ga hunbur a almuraadey feeri, a ga maa ngi faaba ceeci kaatiroo, a gʼi hallasi.

Matiyu 14:31

Dogoo din da Isa na nga kaboo šerre kʼa dii, de a nee a se: «Naanaykaccukoynoo, macin se nʼga šikka?»

Matiyu 15:27

Woyoo nee: «Cimi no, ay Koyoo, amma hanši-izey ga meecindey ŋaa kaŋ ga kaŋ ka hun ngi koyey taabaloo boŋ.»

Matiyu 8:10

Kaŋ Isa maa woo, a kan a se, de a nee nga hangakey se: «Cimoo ne kaŋ ay gʼa har war se, Izirayel ra, ya na dii boro kul ra naanay kaŋ ga too woo.

Matiyu 8:13

Woo banda ga, Isa nee jalakoynoo se: «Koy ni hugoo do, hayaa kaŋ ni naanay a ma teendi ma ne.» Waatoo din da, jalakoynoo tamoo duu baani.

Matiyu 9:22

Isa bere, a dii woyoo, a nee: «Bine tee, ay izoo, ni naanaa na ni hallasi.» Za alwaatoo din da, woyoo hallasi.

Marku 5:34

Isa nee woyoo se: «Ay izoo, ni naanaa na ni hallasi. Koy nda baani, de mo duu baani wircoo woo ra.»

Luka 17:5

Diyawey nee ir Koyoo se: «Tonton ir se ir naanaa ga.»

Luka 7:50

Amma Isa nee woyoo se: «Ni naanaa na ni hallasi. Koy nda baani.»

Luka 7:9

Kaŋ Isa maa šenney wey, soojaa kan a se. A bere jamaa here kaŋ hanga a bande, a nee: «Ay ga war bayrandi, ba Izirayel ra, ya na dii naanay kaŋ ga too woo.»

Tesalonik borey bataga 2to 1:3

Ir armey, ir ga hima waati kul ka albarka daŋ Irkoy se war maaganda se. A ga hima, zama war naanaa ga hanse ka tonton, nda mo war affoo kul bajoo ga tonton cere se.

Samiyel 1na 2:30

Woo maaganda se agay Abadantaa, Izirayel Koyoo ka šelaŋ ka nee: ‹Ya nka kayandi kaŋ ni hugoo borey nda ni baabaa hugoo ga cindi ay sargari juwalkawtaraa ra hala abada.› Amma sohõ agay Abadantaa ka šelaŋ ka nee: ‹A ben. Zama borey kaŋ gʼay beerandi, ay gʼi beerandi, wey kaŋ gʼay kaynandi ga kaynandi.