Matiyu 15:19 - Songhai de Gao Bible

¹⁹ Zama bine ra hongu futawey, nda borowiiyaney, nda zinayaney, nda woy nda aru izefututarawey, nda zaytarawey, nda taari seedetarawey, nda wowyaney ga hun.

Matiyu 15:19 ပူးပေါင်းရင်းမြစ်များ

Šintinoo 6:5

Abadantaa dii kaŋ nbunadam borolaalataraa hanse ka boobo laboo ra, de mo zaaroo kul nga binoo miilewey manʼti kala ifutu.

Šintinoo 8:21

Abadantaa maa sunnaaraa kaana, de a nee nga boŋ se: «Ay si yee ka laboo danga nbunadam sabbu se, ba nda nbunadam binoo miilewey manʼti kala ifutu za nga zankataraa ga. Ay si yee ka hundikoyney kul halaci sanda takaa kaŋ agay ne kʼa tee.

Zaburey 119:113

Ay ga konna adamize bine hinkakoyney, ay ga baa ni ašariyaa.

Yaasawey 22:15

Lakkal jaŋantetaray ga hawa zanka binoo ga, aladabu goboo no mʼa moorandi a ga.

Yaasawey 24:9

Lakkal jaŋante miilewey manʼti kala zunubu, ɲooɲokaw manʼti kala almuhal borey se.

Yaasawey 4:23

Ma ni binoo hawgay ka bisa haya kul, zama ni hunaroo hayey kul si hun kala nga ra.

Yaasawey 6:14

ilaala goo binoo ra, waati kul a ga ifutu biiri, a ga yenje tunandi.

Kabuyaney 22:29

Balam na farkaa zaabi ka nee: «Ni mmʼay ɲooɲo, nda a gar takuba mma bara ay kaboo ra, šikka sii sohõ gar ay na ni wii.»

Matiyu 15:20

Wey ti hayey kaŋ ga boro žiibandi. Amma ka ŋaa bila nda ma ni kabey ɲumay, woo si boro žiibandi.»

Matiyu 5:28

Amma agay, ay ga war bayrandi kaŋ boro kul kaŋ na woy guna kʼa boonay, boraa na zina tee nda a ka ben nga binoo ra.

Matiyu 9:4

Isa dii ngi anniyawey, a nee: «Macin se miile futuyaŋ goo war biney ra?

Teegoyey 8:22

Tuubi ka hun laalayyanoo woo ga, de mʼir Koyoo ŋaaray, nda a ga hin ka tee, ni binoo miilewey ma yaafandi,

Rom borey batagaa 7:18

Zama ay ga bay kaŋ ay ra, maanaa ay hamoo, haya henna kul sii a ra, zama ay goo nda anniya, amma ka ihenna tee, woo ay mongu a se.