Matiyu 15:13 - Songhai de Gao Bible

¹³ A zaabi ka nee: «Dumari kul kaŋ ay Baabaa Irkoy kaŋ goo beenaa ra manʼa duma ga dogandi.

Matiyu 15:13 ပူးပေါင်းရင်းမြစ်များ

Zaburey 92:13

Boro šerrantey ga tonton ka koy jine sanda teenayɲaa, i ga beeri sanda Libaŋ gandaa sedere tuuri.

Matiyu 15:12

Waatoo woo, taalibey man a ka nee a se: «Nʼga bay kaŋ šennoo kaŋ Fariziyeŋey maarʼa nʼi maray?»

Yehiya 15:1

«Agay, agay ti alanebɲaa cimoo, ay Baabaa Irkoy ti alaneb faaroo beerikaa.

Yehiya 15:2

Tuuri kabe kul kaŋ goo ay ga kaŋ si ize tee, a gʼa dunbu, amma wey kaŋ ga ize tee, a gʼi henanandi hala i ma ize tee ka tonton.

Yehiya 15:6

Boro kaŋ si duumi ay ra ga warrandi taray, a ga kogu sanda tuuri kabe, woo banda ga, tuuri kabey ga margandi ka warrandi nuune ra, de i ga ton.

Korent borey bataga 1na 3:9

Irkoy goykasinawey ti ir, Irkoy faaroo ti war, Irkoy hugoo kaŋ goo ma cina ti war.

Žud batagaa 1:12

I ga tee sanda žiibi ndellayaŋ war armataray ŋaadogey ra. I ga ŋaa ka haŋ ka too bila hunburay, i si honga kala ngi boŋ de. I ga hima nda duulayaŋ kaŋ ra hari sii, de hewoo gʼi zaa. I ga hima nda jamde tuuriyaŋ kaŋ ga ize sii kaŋ buu cee hinka, i dogandi.