Matiyu 12:25 - Songhai de Gao Bible

²⁵ Isa ga ngi anniyawey bay, a nee i se: «Laama kul kaŋ izey dunbu, laamaa din ga halaci. Koyra wala hugu kul kaŋ izey dunbu si kay.

Matiyu 12:25 ပူးပေါင်းရင်းမြစ်များ

Kokoyey 1na 16:21

Waatoo woo ra, Izirayel jamaa fay ihinka. Zamna foo hanga Ginat izʼaroo Tibni bande kʼa tee ngi kokoyoo. Zamna faa hanga Omri bande.

Zaburey 139:2

Ni, nʼga bay waati kaŋ ay ga goro nda waati kaŋ ay ga tun, nongu mooro ra nʼgʼay lakkaloo bay.

Matiyu 9:4

Isa dii ngi anniyawey, a nee: «Macin se miile futuyaŋ goo war biney ra?

Marku 2:8

Dogoo din da Isa bay nga hundoo ra hayaa kaŋ i goo mʼa miile ngi biney ra, woo se a nee i se: «Macin se war goo ma hayey wey miile war biney ra?

Yehiya 21:17

A nee a se cee hinzantoo ra: «Simoŋ, Yehiya izʼaroo, nʼga baa agay wala?» Piyer binoo maray kaŋ hala cee hinza a ga nee nga se: «Nʼga baa agay wala?» A nee a se: «Ay Koyoo, ni, nʼga haya kul bay, nʼga bay kaŋ ay ga baa ni.» [Isa] nee a se: «Ay feejey kur.

Korent borey bataga 1na 2:11

Adamizey ra, may no ma hayey bay kaŋ goo adamize ra nda manʼti adamize hundoo kaŋ goo a ra? Takaa din da boro kul si hayaa bay kaŋ goo Irkoy ra nda manʼti Irkoy Hundoo.

Galati borey batagaa 5:15

Amma nda war ga cere ɲama ka cere ŋaa, war ma hawgay war masi koy cere halaci.

Eberewey batagaa 4:13

Takahaya sii no kaŋ ga tugu a se, moɲey cire hayey kul goo gaa koonu, i ga kaaray. Nga jine ir ga hima ka kay.

Bangandiroo 16:19

Koyra beeroo zamna-zamna hinza, gandawey koyrawey kaŋ, Irkoy hongu Babiloŋ beeroo kʼa noo potoo kaŋ ra alaneb hari mooraa goo kaŋ ti nga futay laalaa.

Bangandiroo 2:23

Šikka sii, ay ga izey wii, woo ra Egilizey kul ga bay kaŋ agay no ma boro kuneheroo nda binoo fesufesu. War boro foo kul ay gʼa bana ka sawa nda nga teegoyey.