Matiyu 10:26 - Songhai de Gao Bible

²⁶ «War masi hunbur ey, zama haya tugante sii no kaŋ si kaa ka bangay, sirri sii no kaŋ si kaa ka bayrandi.

Matiyu 10:26 ပူးပေါင်းရင်းမြစ်များ

Yaasawey 10:9

Boro kaŋ ga dira laadirtaray fondaa ra, koyoo ga dira nda binekanay, boro kaŋ na fondo šiira zaa, moo ga kay koyoo ga.

Yaasawey 28:1

Boro futu ga zuru ka gar boro kul sii a bande, boro šerrantey ga lakkalkanay sanda ganjihayla soogo.

Yaasawey 29:25

Ka jijiri adamize jine manʼti kala kumsay, boro kaŋ na nga naanaa daŋ Abadantaa ra ga hallasi.

Waazukaa 12:14

Zama Irkoy ga teegoy kul ciiti, ba wey kaŋ teendi tuguyan ra, a ma tee ihenna wala ilaala.

Matiyu 10:28

War masi hunbur borey kaŋ ga boro kunturoo wii, amma i si hin ka hundi wii. Amma wa hunbur boraa kaŋ ga hin ka hundi nda kunturu kul halaci žahannam.

Marku 4:22

Haya tugante sii no kaŋ si kaa ka fataw. Sirri sii no kaŋ si kaa ka fataw.

Luka 24:47

De mo tuubiroo, zunubey yaafaa se, ga waazandi nga maaɲoo ga gandawey kul se ka šintin nda Žerizalem.

Luka 8:17

Haya tugante sii no kaŋ si kaa ka fataw, haya sii no kaŋ ga tee sirri ra kaŋ si kaa ka fatawandi.

Teegoyey 1:8

Amma war ga duu gaabi waati kaŋ Hundi Henanantaa zunbu war ga, de war ga tee ay seedewey Žerizalem, nda Žude gandaa kul ra, nda Samari gandaa ra, nda hala aduɲɲa kaydogoo ga.»

Teegoyey 4:13

Kaŋ i dii naanaa kaŋ nda Piyer nda Yehiya ga šelaŋ, i bay kaŋ boroyaŋ no kaŋ mana caw, jamaa ra i goo, boŋey haw, amma i nʼi bay sanda boroyaŋ kaŋ cindi Isa bande.

Teegoyey 4:19

Amma Piyer nda Yehiya nʼi zaabi ka nee: «Irkoy jine, war se ir ga hima ka haŋajer wala Irkoy? Wa šelaŋ.

Korent borey bataga 1na 4:5

Woo se war masi baffoo ciiti nda nga waatoo mana too, hala waati kaŋ ir Koyoo kaa kaŋ ga hayey mo kaŋ ga tugu kubaa ra daŋ gaayoo ra, ka borey biney miilewey fatawandi. Waatoo din Irkoy ga boro foo kul saabu nda woo kaŋ nda a ga hima.

Piyer bataga 1na 3:14

Koyne mo ba nda war ga zarabi šerretaray sabbu se, war duu gomni, war masi hunbur ey, war lakkaley masi ɲaami.