Marku 8:31 - Songhai de Gao Bible

³¹ Woo banda ga, Isa šintin ka nga taalibey bayrandi ka nee i se kaŋ kala Boro-izʼaroo ma dii zarabi booboyaŋ. Boro beerey nda sargari juwalkey jineborey nda Citaaboo baykey gʼa yankar. A ga wiiyandi, de jirbi hinza banda ga, a ga tun.

Marku 8:31 ပူးပေါင်းရင်းမြစ်များ

Zaburey 118:22

Tondoo kaŋ cinakey nʼa fur, nga no ka tee hugoo kanjoo tondoo.

Matiyu 12:40

Zama takaa kaŋ nda ‹Yunusa na zaari hinza nda cijin hinza tee hamiisa beeroo gundoo ra›, takaa din da Boro-izʼaroo ga zaari hinza nda cijin hinza tee laboo cire.

Matiyu 21:42

Isa nee i se: «War mana bay ka woo caw Citaaboo ra wala: ‹Tondoo kaŋ cinakey nʼa fur, nga no ka tee hugoo kanjoo tondoo. Ir Koyoo ka baa woo ma tee, alaabiina no ir moɲey cire!›

Matiyu 27:63

ka nee: «Ir koyoo, ir hongu a kaŋ dargantaa woo, waatoo kaŋ a ga huna, a nee: ‹Jirbi hinza banda ga, ay ga tun.›

Marku 12:10

War mana bay ka Citaaboo šennoo woo caw kaŋ nee: ‹Tondoo kaŋ cinakey nʼa fur, nga no ka tee hugoo kanjoo tondoo.

Luka 17:25

Amma a tilasu a ma dii zarabi booboyaŋ, zamanoo woo borey mʼa yankar jina.

Luka 24:26

Manʼti kala Almasihu ma zarabi jina a ma huru nga daržaa ra?»

Luka 24:44

A nee i se: «Wey ti šenney kaŋ ay nʼi har war se waatoo kaŋ ay goo war game. Kala hayey kul kaŋ hantumandi ay ga Musa ašariyaa nda annabey citaabey nda Zaburey citaaboo ra ma tabati.»

Yehiya 12:48

Boro kaŋ wanji ay ga, a mana yadda ay šenney ga, a goo nda nga ciitikaa: šennoo kaŋ ay nʼa har no mʼa ciiti zaari koraa hane.

Yehiya 2:19

Isa nʼi zaabi ka nee: «Wa Irkoy hugoo woo kayri, jirbi hinza ra ay gʼa kayandi.»

Teegoyey 7:35

Musa din da kaŋ Izirayel borey nʼa yankar ka nee: ‹May ka ni tee boŋkoyni nda ciitikaw?› Nga din da no Irkoy almalayka bangay a se saabayɲaŋoo ra kʼa sanba kʼa tee boŋkoyni nda feerikaw.

Korent borey bataga 1na 15:4

I nʼa daŋ saaraa ra, amma jirbi hinzantoo hane a tun, sanda takaa kaŋ nda Citaaboo nʼa har.

Samiyel 1na 10:19

Agay ti war Koyoo kaŋ na war hallasi bonawey kul ra nda gurzugawey kul ra, amma hõ war wanji ay ga, zama war nee kaŋ ya kokoy gorandi war boŋ. Sohõ wa kay Abadantaa jine alkabiila nda alkabiila, hugu nda hugu.›»

Samiyel 1na 8:7

Abadantaa nee Samiyel se: «Haya kul kaŋ jamaa nʼa har ma ne, mʼa tee. Manʼti ni no i wanji ni, agay no i wanji agay. I si baa ya tee kokoy ngi boŋ.