Marku 8:2 - Songhai de Gao Bible

² «Ay ga tamalla jamaa se, zama jirbi hinza ti woo kaŋ i goo ay bande, i sii nda haya kaŋ i gʼa ŋaa.

Marku 8:2 ပူးပေါင်းရင်းမြစ်များ

Kokoyey 1na 19:6

A tun, a ga dii takula kaŋ tonandi tondi ga nda zollo hari goo nga jeroo ga. A ŋaa, a haŋ, woo banda, a yee ka kani.

Zaburey 103:13

Takaa kaŋ nda baaba ga tamalla nga izey se, takaa din da Abadantaa ga hinna nga hunburkey se.

Zaburey 145:15

Naata ra, borey kul moɲey ga bere ni here, ni no mʼi noo ngi ŋaahayaa nga waatoo ra.

Zaburey 145:8

Abadantaa ga hinna, a ga tamalla, a si cahã ka futu, nga borohennataraa ga beeri.

Matiyu 14:14

Kaŋ a zunbu harihiyoo ra, a dii alžamaa beeri, a tamalla i se, de a na wircikoyney noo baani.

Matiyu 20:34

Isa tamalla i se, a tuku ngi moɲey ga, de dogoo din da i yee ka dii, i hanga a bande.

Matiyu 9:36

Kaŋ a dii alžamaa, a tamalla a se, zama i fara, biney hun sanda feejiyaŋ kaŋ sii nda kurkaw.

Marku 1:41

Kaŋ a na woo har, Isa hanse ka tamalla a se. A na nga kaboo tuku a ga ka nee a se: «Ay yadda, henan!»

Marku 5:19

Amma Isa mana yadda, a nee aroo se: «Koy ni hugoo do nda ni borey do ka hayaa kul filla i se kaŋ ni Koyoo nʼa tee ma ne, nda takaa kaŋ nda a hinna ma ne.»

Marku 6:32

I koy harihiyoo ra nongu soyante ra ngi hinne.

Marku 6:34

Kaŋ Isa zunbu harihiyoo ra, a dii alžamaa beeri, a tamalla i se, zama i ga hima nda sanda feejiyaŋ kaŋ sii nda kurkaw. De a na haya boobo cawandi i se.

Marku 8:3

Nda ay nʼi yeeti ngi hugey do nda heraa, i ga kaŋ fondaa ra, zama affooyaŋ mana hun kala nongu mooro ra.»

Marku 9:22

Cee booboyaŋ ganjoo gʼa warra nuune ra wala hari ra hala nga mʼa halaci. Nda nʼga hin, hinna ir ga, mʼir soolam!»

Luka 15:20

Woo banda ga, a tun, a koy nga baabaa do. A goo nongu mooro ra kaŋ baaboo gʼa honnay, a hanse ka tamalla a se, a zuru ka gum a ga kʼa naagu nga gandoo ra.

Luka 7:13

Kaŋ ir Koyoo dii woyoo, kul a hanse ka hinna a se, a nee woyoo se: «Masi hẽe.»

Eberewey batagaa 2:17

Woo maaganda se haya kul here a ga hima ka hima nda nga armey hala a ma tee ngi sargari juwalkey jineboraa kaŋ ga hinna a ga laadir Irkoy goyoo ra ka jamaa zunubey tuusu.

Eberewey batagaa 4:15

Zama manʼti sargari juwalkey jineboro bara ir se kaŋ si hin kʼir faaba ir luufuyaney ra. A siyandi sanda ir takaa, haya kul here, amma a mana zunubu tee.

Eberewey batagaa 5:2

A ga faham borey se kaŋ si haya bay de i dere, zama nga hunday manʼti kala adamize de.