Marku 13:34 - Songhai de Gao Bible

³⁴ A ga hima nda boro kaŋ ga koy naaru. A na nga hugoo naŋ nga tamey kabey ra kʼi noo jineborotaraa. A na ngi affoo kul noo goyoo kaŋ a ga hima kʼa tee. A nee aroo kaŋ ga hugoo miɲoo hawgay se a ma hanna cijin nda zaari.

Marku 13:34 ပူးပေါင်းရင်းမြစ်များ

Matiyu 16:19

Ay ga ni noo beenaa Laamaa kufal-izey, haya kaŋ nʼnʼa guli laboo ga, ga gulandi beenaa ra, haya kaŋ nʼnʼa feeri laboo ga, ga feeri beenaa ra.»

Yehiya 10:3

Boraa woo kaloo miɲoo hawgaykaa ga feeri a se, feejey ga maa jindoo. Nga boŋ feejey, a gʼi cee nda maaɲey, de a gʼi ka koy taray.

Rom borey batagaa 13:6

Woo maaganda se war ga alkaasi bana, zama Irkoy goykawyaŋ no, i nka ngi boŋ noo goyoo woo se.

Korent borey bataga 1na 15:58

Woo se agʼarmey, ay baakey, wa gaabandi, war masi bere-bere, war ma koy jine waati kul ir Koyoo goyoo ra, zama war ga bay kaŋ war goyoo si tee yaada ir Koyoo albarkaa ra.

Kolos borey batagaa 3:24

zama war ga bay kaŋ ir Koyoo no ma tuboo tee war se sufuray. Ir Koyoo Almasihu se war ga goy.

Kolos borey batagaa 4:1

Baɲɲey koyey, wa war baɲɲey dii nda šerretaray nda taka henna, war ma bay kaŋ war mo goo nda Koy beenaa ra.

Bangandiroo 3:7

«Hantum almalaykaa se kaŋ goo Filadelfi koyraa Egilizoo ra, nee a se: ‹Hayaa ne kaŋ boraa kaŋ ti Irkoy Boro Henanantaa, nga kaŋ ti Cimikoynoo, boraa kaŋ kone Dawda kufal-izoo goo gʼa har, boraa kaŋ ga haya feeri, boro kul si hin kʼa daabu, boraa kaŋ ga haya daabu, boro kul si hin kʼa feeri: