Marku 13:32 - Songhai de Gao Bible

³² «Boro kul si hanoo wala waatoo bay kaŋ hayey wey ga kaa ka tee. Almalaykey kaŋ goo beenaa ra sʼa bay, Izʼaroo sʼa bay, Baabaa Irkoy no ma waatoo bay.

Marku 13:32 ပူးပေါင်းရင်းမြစ်များ

Matiyu 25:13

Adiši wa hanna cijin nda zaari, zama war si zaaroo bay, war si waatoo bay.»

Matiyu 25:19

Waati kuku banda ga, tamey wey koyoo kaa, a na nooroo laasaaburoo tee i bande.

Matiyu 25:6

Cijinoo gamoo ra, kaati foo tee ka nee: ‹Aruhiijoo ne, wa fatta kʼa kubay!›

Marku 13:31

Beenaa nda laboo ga dere, amma ay meešenney si dere abada.»

Teegoyey 1:7

A nee i se: «Waatey wala dimmawey kaŋ Baabaa Irkoy nʼi kayandi nga boŋ hinoo ra bayyanoo sii war ga.

Piyer bataga 2to 3:10

Woo kul, ir Koyoo zaaroo ga kaa sanda zay. Hanoo din, beenawey ga dere nda hoolo beeri. Hayey kaŋ goo i ra ga menne. Gandaa nda hayey kaŋ ga tee a ra ga ciitandi.

Bangandiroo 1:1

Isa Almasihu bangandiroo ne kaŋ Irkoy nʼa noo a se hala a ma hayey kaŋ ga hima ka kaa ka tee ne nda kayna har nga tamey se. Almasihu na nga almalaykaa sanba nga tamoo Yehiya do a mʼa filla a se.

Bangandiroo 3:3

Hawgay nda woo kaŋ ni duu a ni maarʼa, gaabu a ga, ma tuubi. Nda nʼsi lakkal daŋ, ay ga kaa sanda zay, de mo nʼsi waatoo bay kaŋ ay ga kaa ni ga.