Marku 12:33 - Songhai de Gao Bible

³³ Boro ma bagʼa nda nga binoo kul, nda nga lakkaloo kul, nda nga gaaboo kul, de mo boro ma baa nga cinaa sanda takaa kaŋ nda boro ga baa nga boŋ. Šikka sii kaŋ hayey wey ga bisa sargari kukurantey nda sargari kul.»

Marku 12:33 ပူးပေါင်းရင်းမြစ်များ

Zaburey 50:23

Boro kaŋ ga albarka daŋyan tee ya ne sargari, boraa nʼay beerandi. Boro kaŋ ga lakkal daŋ nga dira takaa se, ay ga Irkoy hallasiroo cebe a se.

Yaasawey 21:3

Ka goy nda šerretaray nda cimi ti haya kaŋ ga kan Abadantaa se ka bisa sargari.

Matiyu 12:7

Nda a gar war mma šennoo maanaa bay kaŋ ti: ‹Hinnari no ma kan ya ne, manʼti sargariyaŋ›, war si boroyaŋ kaŋ mana haya kul tee zukandi.

Matiyu 9:13

Wa šennoo koroo hongu kaŋ ga nee: ‹Hinnari no ma kan ya ne, manʼti sargariyaŋ.› Zama ya na kaa ka boro šerrantey cee, zunubantey no ay gʼi cee.»

Alhukumoo 6:5

Ma baa Abadantaa, ni Koyoo nda ni binoo kul, nda ni hundoo kul, nda ni gaaboo kul.

Eberewey batagaa 10:8

A nka jin ka nee: «Nʼsi baa sargari, nda nooyan, nda sargari kukurante, nda zunubu sargari, i mana kan ma ne.» Ba kaŋ se hayayaŋ no kaŋ ga nondi ka sawa nda ašariyaa.

Samiyel 1na 15:22

Samiyel nee: «Sargari kukurantey nda sargarey ga kan Abadantaa se ka bisa boro ma haŋajer Abadantaa se wala? Kalaa, kalaa, ka haŋajer Abadantaa se baa sargari kaayan, ka lakkal daŋ baa gaarey maaney sargari.