Marku 11:22 - Songhai de Gao Bible

²² Isa na šennoo zaa ka nee nga taalibey se: «Wa naanay Irkoy!

Marku 11:22 ပူးပေါင်းရင်းမြစ်များ

Taarikey 2to 20:20

I tun subbaahi biya ka koy Tekowa saajoo ra. Waatoo kaŋ i ga koy, Žozafat tun ka kay, a nee: «Wa haŋajer ya ne, Žuda borey nda Žerizalem borey, wa war naanaa daŋ Abadantaa, war Koyoo ra, de war ga kay. Wa war naanaa daŋ nga annabey ra, de war ga zaame.»

Zaburey 62:8

Ay hallasiroo nda ay daržaa sii kala Irkoy ra, tondoo kaŋ gʼay noo gaabi, nda nongoo kaŋ ra ay gʼay boŋ talfi ti Irkoy.

Matiyu 14:29

A nee a se: «Kaa.» Piyer zunbu hiyoo ra, a dira haroo boŋ ka koy Isa do.

Matiyu 17:20

A nee i se: «War naanaa no ma kacca. Cimoo ne kaŋ ay gʼa har war se: nda war naanaa ga too mutardi gurunbu-ize foo, war ga nee tondi hondoo woo se: ‹Hun ne ka koy ya here›, a ga hun dogoo ra, haya kul si mongu war se.

Matiyu 21:21

Isa nʼi zaabi ka nee i se: «Cimoo ne kaŋ ay gʼa har war se, nda war ga naanay, war si šikka, war ga hayaa tee kaŋ teendi jeejayɲaŋoo se, koyne mo ba tondi hondoo woo, nda war nee a se: ‹Hun ne ma ni boŋ warra teekoo ra›, a ga tee.

Marku 9:23

Isa tuuru a se ka nee: «Ni nee: ‹Nda nʼga hin…›! Haya kul ga hin ka tee boro kaŋ naanay se.»

Yehiya 14:1

Isa nee i se: «War biney masi hasara, wa naanay Irkoy, war ma naanay agay mo.

Kolos borey batagaa 2:12

War fijandi Almasihu bande batizeyanoo ra, koyne mo war tun a bande, zama war naanay Irkoy gaaboo kaŋ nda a na Almasihu tunandi bukawey ra.

Tit batagaa 1:1

Agay Pol kaŋ ti Irkoy tam nda Isa Almasihu diyaw, ay sanbandi hala Irkoy boro suubantey ma naanay, i ma cimoo bay kaŋ ga koy Irkoy ganayanoo bande.