Marku 10:49 - Songhai de Gao Bible

⁴⁹ Isa kay, de a nee: «Wa ciya a se.» I ciya danaa se ka nee: «Bine tee, tun ni boŋ ga, a ga ciya ma ne.»

Marku 10:49 ပူးပေါင်းရင်းမြစ်များ

Zaburey 145:8

Abadantaa ga hinna, a ga tamalla, a si cahã ka futu, nga borohennataraa ga beeri.

Zaburey 86:15

Amma ni, ay Koyoo, ni manʼti kala Koy kaŋ ga tamalla, a ga alhormo tee, nʼsi cahã ka futu, ni borohennataraa nda ni laadirtaraa ga beeri.

Matiyu 9:2

Boroyaŋ ne ka kate a do bongu foo kaŋ ga kani balankar ra. Isa dii ngi naanaa, a nee bongoo se: «Bine tee, ay izoo, ni zunubey yaafandi.»

Marku 10:50

Danaa na nga darbay beeroo warra, a sar ka tun ka koy Isa do.

Luka 18:40

Isa kay, de a na yaamar noo kaŋ i ma kate a nga do. Kaŋ a man a do, a nʼa hãa ka nee:

Yehiya 11:28

Kaŋ Mart na woo har ka ben, a koy nga woymaa Maryama do kʼa cee tuguyan ra ka nee: «Alfagaa goo ne, a ga ciya ma ne.»

Eberewey batagaa 2:17

Woo maaganda se haya kul here a ga hima ka hima nda nga armey hala a ma tee ngi sargari juwalkey jineboraa kaŋ ga hinna a ga laadir Irkoy goyoo ra ka jamaa zunubey tuusu.

Eberewey batagaa 4:15

Zama manʼti sargari juwalkey jineboro bara ir se kaŋ si hin kʼir faaba ir luufuyaney ra. A siyandi sanda ir takaa, haya kul here, amma a mana zunubu tee.