Marku 1:35 - Songhai de Gao Bible

³⁵ Subbaahi tayaa ra, kubaa goo beene kaŋ Isa tun ka fatta ka koy nongu soyante ra. No din ra a cindi ka Irkoy ŋaaray.

Marku 1:35 ပူးပေါင်းရင်းမြစ်များ

Zaburey 109:4

Ba kaŋ ay ga bagʼey, i gʼay gandu, ka gar ay goo ma Irkoy ŋaaray.

Zaburey 5:3

Lakkal daŋ ay kaatiyanoo se, ay Kokoyoo, ay Koyoo! Ni no ay ga ni ŋaaray.

Matiyu 14:13

Waatoo kaŋ Isa maa alhabaroo, a huru harihii ra ka mooru no din ka koy nongu soyante ra nga hinne. Amma kaŋ alžamaa maarʼa, i hun koyra kanbey ra ka hanga a nda cee.

Matiyu 14:23

Waatoo kaŋ a na alžamaa naŋ i ma koy, a žigi tondi hondu foo boŋ ka Irkoy ŋaaray jere ga. Kaŋ cijinoo too, a cindi no din nga hinne.

Marku 1:36

Simoŋ nda nga hangasiney huru cewoo ra.

Luka 5:16

Amma nga, a yee jere ga, saajoo ra ka Irkoy ŋaaray.

Luka 6:12

Zaarey din da ra, Isa fatta ka koy tondi hondu foo boŋ ka Irkoy ŋaaray. A na cijinoo kul tee a ga Irkoy ŋaaray.

Yehiya 4:34

Isa nee i se: «Ay ŋaahayaa manʼti kala ya boraa kaŋ nʼay sanba ibaayoo tee, ka nga goyoo benandi.

Yehiya 6:15

Isa bay kaŋ i ga kaa ka nga dii ka nga tee kokoy, a hun no din ka yee koyne tondi hondoo boŋ nga hinne.

Efez borey batagaa 6:18

Wa Irkoy ŋaaray waati kul nga Hundoo albarkaa ra nda ŋaaray nda suurandiyan dumi kul, war ma hanna cijin nda zaari ka gaabandi a ga. War ma Irkoy suurandi nga boro henanantey kul se,

Filipi borey batagaa 2:5

Wa honguyanoo woo dii war game kaŋ goo Almasihu Isa mo se,

Eberewey batagaa 5:7

Waatoo kaŋ Isa goo laboo ga, a na Irkoy ŋaaray kaŋ ga hin kʼa hallasi buuyan ra, a nʼa suurandi hala nongu kaŋ ra a hẽe ka jinde jer ka hanse ka kaati. Irkoy nʼa yakubar, zama a nka Irkoy gana.