Luka 9:33 - Songhai de Gao Bible

³³ Waatoo kaŋ borey din hun Isa do, Piyer nee a se: «Alfagaa, a ga boori ir ma cindi ne ra, adiši ir ma hukkum hinza cin, affoo ni se, affoo Musa se, affaa Ilyasu se.» Piyer si hayaa bay kaŋ nga gʼa har.

Luka 9:33 ပူးပေါင်းရင်းမြစ်များ

Zaburey 27:4

Haya folloku no ay nʼa wiri Abadantaa ga, ay nʼa ceeci a ga: ay hunaroo kul ya cindi Abadantaa hugoo ra, ka dii Abadantaa booroo kʼa gaaya nga hugoo ra.

Zaburey 73:28

Agay, ya man Irkoy ga boori ya ne. Nongoo kaŋ ra ay gʼay boŋ talfi ti ay Koyoo, Abadantaa hala ya duu ka ni teegoyey kul deede.

Matiyu 17:14

Waatoo kaŋ Isa nda nga taalibey too jamaa do, aru foo kaa ka sonbu a jine

Matiyu 17:4

Piyer na šennoo zaa ka nee Isa se: «Ay Koyoo, a ga boori ir ma cindi ne ra. Nda ni baa, ay ga hukkum hinza cin ne, affoo ni se, affoo Musa se, affaa Ilyasu se.»

Marku 10:38

Isa nee i se: «War si haya bay kaŋ war gʼa wiri. War ga hin ka gurzugaa potoo hayaa haŋ kaŋ ay gʼa haŋ wala? War ga hin ka batizandi nda batizeyanoo kaŋ nda ay ga batizandi wala?»

Luka 5:5

Simoŋ nʼa zaabi ka nee: «Alfagaa, ir na cijinoo kul tee ir ga goy, ir mana duu baffoo. Amma ni meešennoo ga, ay gʼay filijey warra.»

Luka 9:34

A goo ma šenney wey har kaŋ duula foo na nga biyoo kʼi gum. Taalibey hunbur kaŋ i dii ngi goo duulaa ra.

Luka 9:49

Yehiya na šennoo zaa ka nee: «Alfagaa, ir dii aru foo kaŋ ga ni maaɲoo cee ka ganjey gaaray. Ir nʼa ganji a mʼa tee, zama a sii ir bande ka ni gana.»

Yehiya 14:8

Filip nee a se: «Ay Koyoo, Baabaa Irkoy cebe ir se, a ga wasa ir se.»

Korent borey bataga 2to 4:6

Zama Irkoy nee: «Gaayoo ma dii kubaa ra», nga no ka dii ir biney ra ka nga daržaa kaŋ ga dii [Isa] Almasihu ndumoo ga bayrandi ir se.