Luka 9:2 - Songhai de Gao Bible

² A nʼi sanba i ma Irkoy Laamaa šennoo waazu, i ma kate wircikoyney se baani.

Luka 9:2 ပူးပေါင်းရင်းမြစ်များ

Matiyu 10:5

Wey ti aru woy cindi hinkaa (12) kaŋ Isa nʼi sanba kʼi yaamar ka nee: «War masi koy dumey kaŋ manʼti Alyahuudu fondaa here, war masi huru koyra ra kaŋ ti Samari borey wane,

Matiyu 13:19

Boro kul kaŋ ga haŋajer Laamaa šennoo se, amma a si faham, boro laalaa kaŋ ti Ibilisi ga kaa ka woo kaŋ sayandi binoo ra dogu, woo ti fondaa kaŋ bande a saya.

Matiyu 24:14

Laamaa Alhabar Boryaa woo ga waazandi aduɲɲa kul ra ka seedetaray tee gandawey kul se. Woo banda ga, benantaa no.»

Matiyu 3:2

ka nee: «Wa tuubi, zama beenaa Laamaa man.»

Marku 16:15

A nee i se: «Wa koy aduɲɲa kul bande ka Alhabar Boryaa waazu borey kul se.

Marku 6:12

Taalibey koy borey waazu ka nee i ma tuubi.

Luka 10:1

Hayey kaŋ tee banda ga, ir Koyoo yee koyne ka taalibi woyye cindi hinka (72) zaa kʼi sanba nga jine boro hinka-hinka koyrawey nda nongey kul kaŋ ra a ga hima ka kaa ka koy.

Luka 10:11

‹Ba war koyraa kusaa kaŋ denja ir cewey, ir gʼa kokobu war ga. Amma war ma haya foo bay kaŋ ti Irkoy Laamaa man.›

Luka 10:9

Wircikoyney kaŋ goo no din, war ma kate i se baani, wa nee i se: ‹Irkoy Laamaa man war ga.›

Luka 16:16

Ašariyaa nda annabey cindi i ga bara hala Yehiya waatoo ga. Za woo banda ga, Irkoy Laamaa šennoo kaŋ ti Alhabar Boryaa harandi, de boro foo kul ga gaabi daŋ hala nga ma huru.

Luka 9:11

Kaŋ alžamaa bay, i hanga a. Isa nʼi kubay henna, de a šelaŋ i se Irkoy Laamaa ga. De mo borey kaŋ ga baa gaaham baani, a kate i se baani.