Luka 8:10 - Songhai de Gao Bible

¹⁰ A nee: «War, war duu Irkoy Laamaa haya tugantey fahamaa. Amma borey jerey, filla yaasayanteyaŋ nda i ga šelaŋ i se. Nga ra ‹i ga guna, amma i si dii, i ga maa, i si faham.›»

Luka 8:10 ပူးပေါင်းရင်းမြစ်များ

Zaburey 25:14

Abadantaa si nga sirrey har kala nga hunburkey se, a gʼi bayrandi nga amaanaa.

Matiyu 11:25

Alwaatoo din ra, Isa na šennoo zaa ka nee: «Ay ga albarka daŋ ma ne, Baaba, beenaa nda laboo Koyoo, zama nʼna hayey wey tugu lakkalkoyney nda borey kaŋ ga faham se, amma nʼnʼi bangandi zanka kaccey se.

Matiyu 16:17

Isa zaabi ka nee: «Ni duu gomni, Simoŋ, Bar-Yunusa (maanaa ‹Yunusa izʼaroo›), zama manʼti gaaham nda kuri ka woo bangandi ma ne, amma ay Baabaa Irkoy kaŋ goo beenaa ra.

Marku 4:11

A nee i se: «War, war duu Irkoy Laamaa haya tugantaa, amma taray borey, haya kul si harandi i se kala nda filla yaasayanteyaŋ.

Marku 4:12

Nga ra ‹ba kaŋ i ga guna, i si dii, ba kaŋ i ga maa, i si faham, hala i masi tuubi, de ngi zunubey ga yaafandi!›»

Yehiya 12:40

«Irkoy na moɲey danandi, a na biney šendandi, hala moɲey masi duu ka dii, biney masi faham, Irkoy nee: ‹I masi koy tuubi yʼi noo baani.›»

Rom borey batagaa 16:25

Ir ma Irkoy saabu! A goo nda hini ka war noo gaabi ka sawa nda Alhabar Boryaa kaŋ ay gʼa har nda Isa Almasihu hayey waazoo. Waazoo ga sawa nda sirroo bangayyanoo kaŋ cindi ka tugandi waati kul.

Korent borey bataga 1na 12:11

Amma wey kul, Irkoy Hundi follokaa no mʼi tee ka nooyaney zamna boro foo kul se nda woo kaŋ ga kan Irkoy Hundoo se.

Alhukumoo 29:4

Ay na war gongu saajoo ra jiiri woytaaci (40), war bankaarawey mana žen war jindey ra, war taamey mana žen war cewey ra.

Kolos borey batagaa 2:2

biney ma yay. I ma tee affoo baji ra ka duu fahamay boobo timmante kul kaŋ ga hakiika, hala i ma Irkoy sirroo bay kaŋ ti Almasihu.

Timote bataga 1na 3:16

Kakaw sii a ra, Irkoy ganayanoo sirroo ga hanse ka beeri: Irkoy na nga boŋ cebe gaaham ra, nga Hundoo yadda kaŋ a ga šerre, a bangandi almalaykayaŋ se. A waazandi dumiyaŋ se, aduɲɲa ra a naanayandi, a zandi ka huru daržaa ra.