Luka 7:29 - Songhai de Gao Bible

²⁹ Jamaa kul nda ba alkaasidiikey na haŋajer a se, i yadda kaŋ Irkoy ga šerre, i koy Yehiya ma ngi batize nda nga batizeyanoo.

Luka 7:29 ပူးပေါင်းရင်းမြစ်များ

Zaburey 51:4

Hanse kʼay ɲumay kʼay layboo kaa, ay henanandi ay zunuboo ra!

Matiyu 5:46

Nda war si baa kala war baakey, macin ti tiyaaboo kaŋ war ga duu a? Manʼti woo da no, ba alkaasidiikey gʼa tee wala?

Luka 20:6

Nda ir nee mo: ‹Adamizey›, alžamaa kul ga tondi kʼir warra kʼir wii. Zama i ga naanay ka bay kaŋ Yehiya manʼti kala annabi.»

Luka 3:12

Alkaasidiikawyaŋ mo kaa a do hala a ma ngi batize. I nee a se: «Alfagaa, macin no ir mʼa tee?»

Luka 7:28

Ay ga war bayrandi kaŋ woy-hay ize sii no kaŋ ga bisa Yehiya. Amma Irkoy Laamaa borey kul ikaccaa ga bisa a.

Luka 7:35

Amma Irkoy lakkaloo, borey kul kaŋ yadda a ga no ma cebe kaŋ a ga šerre.»

Teegoyey 18:25

Nga, a nka cawandi ir Koyoo fondaa ra. Nga binoo kul si kala ka šelaŋ, ka haya kaŋ ti Isa cawandi nda fondaa. Ka gar Yehiya batizeyanoo de no a gʼa bay.

Teegoyey 19:3

Pol nee: «Adiši batizeyan foo nda war batizandi?» I nee: «Yehiya batizekaa wanoo.»

Rom borey batagaa 10:3

I mana faham Irkoy šerretaraa se. I nka baa ngi ma ngi boŋ [šerretaraa] kayandi. I mana ngi boŋ yeeti Irkoy šerretaraa cire.

Bangandiroo 15:3

I ga Musa, Irkoy tamoo doonoo, nda Feeji-izoo doonoo don ka nee: «Ir Koyoo Irkoy, Hini-kul-koyoo, ni teegoyey ga beeri, i ga kayfandi. Gandawey Kokoyoo, ni fondawey ga šerre, cimiyaŋ no!

Bangandiroo 16:5

Ay maa harey almalaykaa ga nee: «Ni kaŋ ga bara, kaŋ gay a ga bara, Irkoy Boro Henanantaa, ni ciiti nda takaa woo, nʼga šerre.

Alkaaley 1:7

Adoni-Bezek nee: «Kokoy woyye (70) kaŋ kobaarey nda cew-ize beerey dunbu ga meecindey kuuna kaŋ ga kaŋ ay ŋaadogoo ra. Goyoo kaŋ ay nʼa tee, Irkoy na nga alhakoo kaa ay ra.» I nʼa ka koy Žerizalem, a buu no din.