Luka 7:14 - Songhai de Gao Bible

¹⁴ A man, a na balankaroo taaru. Borey kaŋ ga bukaa zaa kay. Isa nee: «Aru soogaa, ay na ni yaamar ma tun!»

Luka 7:14 ပူးပေါင်းရင်းမြစ်များ

Kokoyey 1na 17:21

Woo banda ga, Ilyasu na nga boŋ daaru zankaa ga hala cee hinza, ka kaati ka Abadantaa cee ka nee: «Abadantaa, ay Koyoo, ay ga ni ŋaaray, ma naŋ zankaa woo hundoo ma yee kate a ra!»

Kokoyey 1na 17:22

Abadantaa na haŋajer Ilyasu se, zankaa hundoo yee kate a ra, a huna.

Ayuba 14:12

Takaa woo da, adamize ga kani, a si tun koyne. Kullihinne beenaa ga bara, a si tun, a si tunandi ka hun jirboo ra.

Ayuba 14:14

Nda a gar nda boro buu a mma hin ka yee ka huna, zaari kul goyey ra ay ga batu, hala waati kaŋ boro huru ay dogoo ra.

Zaburey 33:9

Zama nga, a mma šelaŋ, de woo kaŋ a nʼa har ga tee, a ga yaamar, yaamaroo ga teendi.

Marku 5:41

Isa na zankaa dii nda kaboo ka nee a se: «Taliita kum!» kaŋ maanaa ti «Woy-izoo, ay nee, ma tun ni boŋ ga».

Luka 7:13

Kaŋ ir Koyoo dii woyoo, kul a hanse ka hinna a se, a nee woyoo se: «Masi hẽe.»

Luka 7:15

Bukaa tun ka goro, a šelaŋ. Isa nʼa yeeti ɲaŋoo ga.

Luka 7:17

Woo kaŋ Isa nʼa tee, šennoo huru Žude nda nga gandaa kul ra.

Yehiya 11:25

Isa nee a se: «Agay, agay ti tunyanoo nda hunaroo, boro kaŋ ga naanay agay, ba nda a buu, a ga huna.

Yehiya 5:21

Zama takaa kaŋ nda Baabaa Irkoy ga bukawey tunandi kʼi hunandi, takaa din da Izʼaroo mo ga boro hunandi kaŋ a baa.

Yehiya 5:25

Nda cimi, cimoo ne kaŋ ay gʼa har war se, waatoo ga kaa, de mo waatoo kaa ka ben kaŋ ra bukawey ga maa Irkoy Izʼaroo jindoo, de wey kaŋ ga maarʼa ga huna.

Rom borey batagaa 4:17

Sanda takaa kaŋ nda a hantumandi Citaaboo ra ka nee: «Ay na ni tee dumi boobo se hayraa.» Ir baabaa no Irkoy kaŋ a naanay a jine, Irkoy kaŋ ga bukawey hunandi, hayey kaŋ si bara, a ga šelaŋ i se sanda hayayaŋ kaŋ ga bara.

Efez borey batagaa 5:12

Hayey kaŋ i gʼi tee tuguyan ra, haawi no a ma ba harandi.