Luka 6:48 - Songhai de Gao Bible

⁴⁸ A si hima nda kala boro kaŋ ga hugu cin. A fanša, a hanse ka fanša ka asaasoo tee tondi boŋ. Waatoo kaŋ hari beeroo dandi, isa haroo na hugoo kar, amma a mana hin ka ba a jijirandi, za a nka cina ka boori.

Luka 6:48 ပူးပေါင်းရင်းမြစ်များ

Samiyel 2to 22:2

A nee: «Abadantaa ti ay Tondoo, nda ay nongu gaabantaa, nda ay feerikaa.

Samiyel 2to 22:32

Adiši may ti Irkoy nda manʼti Abadantaa? May ti tondi kaŋ ga boro ga hin ka talfi nda manʼti ir Koyoo?

Samiyel 2to 22:47

Abadantaa ga huna, albarka ma bara ay Tondoo se! Irkoy kaŋ ti ay hallasiroo Tondoo ma jerandi.

Samiyel 2to 22:5

Bondawey kaŋ ga wiiya nʼay daabu, ay hunbur sanda isa kaŋ futu ka boosu.

Samiyel 2to 23:3

Izirayel Koyoo šelaŋ, Izirayel Tondoo nee ya ne: ‹Kokoyoo kaŋ ga ciiti borey se nda šerretaray, kaŋ ga jamaa laama nda Irkoy hunburaa,

Zaburey 32:6

Yala ni ganakey kul ma ni ŋaaray waati kaŋ nʼga duwandi ra! Waati kaŋ hari beerey na nongoo kul dii, haroo si too i do.

Zaburey 62:2

Irkoy hinne jeroo ga ay hundoo goo lakkalkanay ra, nga ra ay hallasiroo ga hun.

Zaburey 95:1

Wa kaa, ir ma kaati nda ɲaali Abadantaa se, ir ma yafarhã ir hallasiroo Tondoo se!

Yaasawey 10:25

Hew beeri bisayanoo banda ga, boro futu ga dere, boro šerrante asaasoo ga cindi abada.

Luka 6:47

Boro kul kaŋ kaa ay do ka maa ay šenney, de a nʼi ka goy, ay ga boraa har war se kaŋ nda a ga hima.

Luka 6:49

Amma boro kaŋ ga maa ay šenney, amma a sʼi ka goy, ga hima nda boro kaŋ na hugu cin laboo boŋ bila asaasu. Waatoo kaŋ isa haroo na hugoo kar, dogoo din da a kaŋ. Hugoo halaci, halaci beeri.»

Yehiya 16:33

Ay na wey har war se hala ay bande war ma duu alaafiyaa. War ga zarabi aduɲɲa ra, amma wa bine tee, agay, ay duu aduɲɲa ga hinay.»

Teegoyey 14:22

ka taalibey biney daŋ, kʼi hoyray i ma gaabandi naanaa ga, ka bayrandi i se ka nee: «Kala zarabi boobo ma duu ir hala ir ga huru Irkoy Laamaa ra.»

Efez borey batagaa 2:20

War tee cinaroo nongu, cinaroo asaasoo boŋ war cinandi kaŋ manʼti kala diyawey nda annabey. Almasihu Isa hunday ti hugoo kanjoo tondoo.

Alhukumoo 32:15

Yešurun warga, a na tafa. Ni warga, ni naasu, ni yuttu. A na Koyoo naŋ kaŋ nʼa tee, a na nga hallasiroo Tondoo kaynandi.

Alhukumoo 32:18

Nʼna Tondoo yala kaŋ na ni daŋ aduɲɲa ra, ni dirɲa Koyoo kaŋ na ni hay.

Alhukumoo 32:31

Zama ngi tondoo manʼti ir wanoo dumoo, ba ir iberey ga tee woo se seede.

Timote bataga 2to 2:19

Woo kul, Irkoy asaasu gaabantaa ga cindi. Silbaa kaŋ goo asaasoo ga: «Ir Koyoo ga borey bay kaŋ ti nga wane.» Silbay faa mo ti: «Boro kul kaŋ ga Irkoy maaɲoo cee, boraa ma mooru goy futu.»

Piyer bataga 2to 1:10

Woo maaganda se, agʼarmey, wa gaabandi ka koy jine war ciyayanoo nda war suubayanoo tabatandiroo ra. Zama nda war ga wey tee, war si kaŋ abada.

Yehiya bataga 1na 2:28

Sohõ, zankey, wa duumi Almasihu ra, nga kaayanoo ga, waati kaŋ a ga kaa ka bangay, ir lakkaley ma kani, ir masi haw a jine.

Žud batagaa 1:24

Boraa kaŋ ga hin ka war dii war masi kaŋ, ka war kayandi bila laybu nga daržaa ra nda ɲaaliyan,

Samiyel 1na 2:2

Boro kul si too Abadantaa henanyan. Koy sii no ni banda ga. Tondi sii no sanda ir Koyoo.