Luka 6:45 - Songhai de Gao Bible

⁴⁵ Boro boryoo, nga bine boryaa ra a ga haya henna kaa. Boro futu, nga bine futaa ra a ga haya futu kaa. Haya kaŋ na bine too, nga no mee gʼa filla.»

Luka 6:45 ပူးပေါင်းရင်းမြစ်များ

Zaburey 140:5

Abadantaa, ay lakkal ya si kaŋ boro laala kaboo ra. Ay dii ka hun boro futu ga kaŋ gʼay kaŋyanoo miile.

Zaburey 59:12

Masʼi wii, ay jamaa masi koy dirɲaw, i ma yaara-yaara nda ni gaaboo, mʼi kaŋandi, ay Koyoo, ir koraa!

Zaburey 59:7

I ga willi kate cijinoo ra ka kaati sanda hanšiyaŋ, i ga koyraa kuubi kʼa bere.

Yaasawey 12:18

Šenni kaŋ sii nda addalil harkaw ga boro maray sanda takuba, amma lakkalkoyney šenney ga boro noo baani.

Yaasawey 15:23

Adamize ga ɲaali nda a na zaabi henna noo, ka šenni har nga waatoo ra ga hanse ka boori.

Yaasawey 4:23

Ma ni binoo hawgay ka bisa haya kul, zama ni hunaroo hayey kul si hun kala nga ra.

Yehiya 7:38

Boro kaŋ ga naanay agay, isa hari hunanteyaŋ ga fatta a ra sanda takaa kaŋ nda Citaaboo nʼa har.»

Teegoyey 5:3

Piyer nee a se: «Ananiyas, macin se Ibilisi na ni binoo too hala nongu kaŋ ra nʼga taari Hundi Henanantaa se ka lanbandi farroo hayoo ra?

Efez borey batagaa 3:8

Agay kaŋ kacca nda Irkoy boro henanantey kul, anneemaa woo nondi ya ne ka Almasihu gomnoo beeriyanoo kaŋ si hin ka bayrandi ka ben har dumey kaŋ manʼti Alyahuudu se.

Efez borey batagaa 4:29

Šenni futu kul masi hun war miɲey ra, wa šenni hinne har kaŋ ga boori, a ma borey nafa hala a ma tee borey kaŋ ga haŋajer se anneema.

Efez borey batagaa 5:19

Cere bande war ma zaburyaŋ har, ka saabu dooniyaŋ, nda dooniyaŋ don kaŋ Irkoy nʼi noo, war ma don kʼir Koyoo saabu nda war binoo kul.

Kolos borey batagaa 3:16

Almasihu šennoo ma harandi war game nda booboyan. War ma cere cawandi ka cere hoyray nda lakkal beeri. War ma don Irkoy se nda war biney kul nda albarka daŋyan lakkal, ka don kʼa jer, nda saabuyaŋ, nda dooniyaŋ kaŋ Irkoy Hundoo gʼi noo.

Kolos borey batagaa 4:6

War šenney ma teendi nda anneema waati kul, ciiri ma bara i ra, hala war ma hin ka bay taka kaŋ nda war ga boro foo kul zaabi.

Eberewey batagaa 8:10

Amaanaa kaŋ ay gʼa zaa Izirayel hugoo borey se zaarey wey banda ga, war Koyoo kʼa har, ay gʼay ašariyawey daŋ lakkaley ra, ay gʼi hantum biney mo ga. Ay ga tee ngi Irkoy, i ga tee ay jamaa.

Žud batagaa 1:15

ka borey kul ciiti, ka borey kaŋ si hunbur Irkoy zukandi ngi goy laalawey se kaŋ i nʼi tee ngi futuyanoo ra nda ka zunubu teekey kaŋ si hunbur Irkoy zukandi šenni laaley din kul kaŋ i nʼi har a ga se.»