Luka 6:21 - Songhai de Gao Bible

²¹ War kaŋ ti borey kaŋ ga heray sohõ da duu gomni, zama war ga kaa ka kungu. War kaŋ ti borey kaŋ ga hẽe sohõ da duu gomni, zama war ga kaa ka haaru.

Luka 6:21 ပူးပေါင်းရင်းမြစ်များ

Šintinoo 17:17

Ibirahima sujudu, a haaru, de a nee nga boŋ se: «Taka foo nda aru kaŋ goo nda jiiri zangu (100) ga ize daŋ aduɲɲa ra? De Sarata kaŋ goo nda jiiri woyyagga (90), taka foo nda a ga ize daŋ aduɲɲa ra?»

Šintinoo 21:6

Sarata nee: «Irkoy nʼay ɲaalandi kʼay haarandi, boro kul kaŋ maarʼa mo ga haaru ay bande.»

Zaburey 107:9

Zama boraa kaŋ kormollaa kogu, a na nga jawoo kaa, heraykoynoo a nʼa noo hennayaŋ kaŋ ga wasa a se.

Zaburey 119:136

Ay moɲey ga isa hariyaŋ doori, zama borey si ni ašariyaa dii.

Zaburey 143:6

Ay gʼay kabey šerre ni here, ay goo ni jine sanda labu koga. Kay-kayna

Zaburey 17:15

Agay, ay ga dii ni ndumoo ni šerretaraa ra, za ay tun jirboo ra, ay ga dii ni ka wasa.

Zaburey 28:7

Abadantaa ti ay gaaboo nda ay koraa, nga ga ay binoo ga talfi, ay ga duu faabari. Ay binoo ga ɲaali, ay gʼa saabu nda ay doonoo.

Zaburey 65:4

Ay laybey ga hanse ka tiŋ ya ne, ni no kʼir tooɲeyaney yaafa.

Matiyu 5:4

Borey duu gomni kaŋ ga hẽe, zama ngi, i ga kaa ka duu bineyaynay.

Matiyu 5:6

Borey duu gomni kaŋ ga boonay šerretaray sanda heraykoyni nda jawkoyni, zama ngi, i ga kaa ka kungu.

Luka 1:53

A na heraykoyney kungandi nda haya hennayaŋ ka almankoyney naŋ kabe koonu.

Luka 6:20

Isa na nga boŋoo jer ka nga taalibey guna, de a nee i se: «War kaŋ ti borey kaŋ ga talka duu gomni, zama war wane Irkoy Laamaa.

Luka 6:22

War ga duu gomni, waati kaŋ borey ga war konnay, ka war yankar, ka war wow, ka war maaɲey hasara Boro-izʼaroo maaganda se.

Luka 6:25

War bone, war kaŋ kungu, zama war ga kaa ka heray. War bone, war kaŋ goo ma haaru sohõ da, zama war biney ga kaa ka maray, de war ga hẽe.

Yehiya 11:35

Isa mundawey doo.

Yehiya 4:10

Isa nʼa zaabi ka nee: «Nda a gar ni mma Irkoy nooyanoo bay nda boraa kaŋ goo ma nee ma ne: ‹Ay noo ya haŋ›, ni hunday no mʼa wiri ma haŋ, de a ga ni noo hari hunante.»

Yehiya 6:35

Isa nee i se: «Agay, agay ti hunayan ŋaayanoo. Boro kaŋ kaa ay do, šikka sii, a si heray, boro kaŋ ga naanay agay, šikka sii, a si jaw abada.

Korent borey bataga 1na 4:11

Hala nongoo kaŋ ra ir goo, ir ga zarabi nda heray nda jaw, ir baɲi, i na kabe kʼir kar, ir sii nda gorodoo foo.

Korent borey bataga 2to 11:27

Ay goo taabi nda farayan ra, cee booboyaŋ ay ga hanna, ay goo heray nda jaw ra, cee booboyaŋ ay mana duu ka ŋaa, ay goo hargu nda baɲi ra.

Korent borey bataga 2to 12:10

Woo se ay ga ɲaali nda ay gaabi jaŋaa, nda maahasarawyaŋ, nda tilasuyaŋ, nda gurzugayyaŋ, nda šiitayanyaŋ ra Almasihu sabbu se, zama waati kaŋ ay sii nda gaabi, waatoo din no Almasihu gʼay noo gaabi.

Korent borey bataga 2to 6:10

I gʼir dii sanda boroyaŋ kaŋ biney maray, ka gar waati kul ir ga ɲaali, sanda talkayaŋ, amma ir ga boro boobo tee almankoyni, sanda boroyaŋ kaŋ sii nda baffoo, ka gar ir goo nda haya kul.

Žak batagaa 1:12

Boraa duu gomni kaŋ ga siiyan suuri, zama nda a duu maa henna, a ga duu hunayan fuulaa kaŋ ir Koyoo na nga allaahidoo zaa borey se kaŋ ga baa nga.

Bangandiroo 21:3

Ay maa jinde beeri foo kaŋ hun kokoy gorodogoo ra ka nee: «Irkoy hukkumoo ne adamizey game. Irkoy ga goro i bande, i ga tee nga jamaa, Irkoy hunday goo i bande [sanda ngi Irkoy].

Bangandiroo 7:16

I si yee ka heray, i si yee ka jaw. Waynaa si yee kʼi kar, konni kul si yee kʼi kar.