Luka 6:20 - Songhai de Gao Bible

²⁰ Isa na nga boŋoo jer ka nga taalibey guna, de a nee i se: «War kaŋ ti borey kaŋ ga talka duu gomni, zama war wane Irkoy Laamaa.

Luka 6:20 ပူးပေါင်းရင်းမြစ်များ

Zaburey 37:16

Boro šerrante kabehaya kaccaa baa boro futu boobo haya boobaa.

Yaasawey 16:19

Boro ma nga boŋ yeeti ganda ka bara borey kaŋ ga ngi boŋ yeeti ganda bande, bisa ma alganiima zamna binebeeriyaŋ bande.

Yaasawey 19:1

Talka kaŋ ga dira laadirtaray ra baa boro kaŋ sii nda lakkal, a ga šenni šiirandi.

Matiyu 11:5

danawey dii, bongey dira, jiraykoyney duu baani, lutey maa, bukawey tun, misikiiney maa Alhabar Boryaa.

Matiyu 25:34

Woo banda ga, kokoyoo ga nee borey kaŋ goo nga kabe gumaa here se: ‹Wa kaa, war kaŋ ay Baabaa Irkoy na albarka daŋ war ra. Wa Laamaa tubu kaŋ soolandi war se za aduɲɲa daaruroo ga,

Matiyu 5:1

Waatoo kaŋ Isa dii jamaa, a žigi tondi hondoo boŋ ka goro, nga taalibey man jeroo ga.

Luka 12:32

Feeji kur kaccaa, masi hunbur, zama a kan war Baabaa Irkoy se nga ma war noo Laamaa.»

Luka 13:28

No din ra hẽeni nda hiɲekaamayan ga tee, waati kaŋ war ga dii Ibirahima, nda Isiyaka, nda Yakuba, nda annabey kul Irkoy Laamaa ra, amma war, war ga warrandi taray.

Luka 14:15

Kaŋ hoyandikaw foo maa šenney wey, a nee: «Boraa duu gomni kaŋ ga ŋaayan ŋaa Irkoy Laamaa ra.»

Luka 16:25

Ibirahima nee a se: ‹Ay izoo, hongu kaŋ ni duu ni bagaa gomnoo ni hunaroo ra, amma Lazar laazaaba, sohõ binoo yay, ni, ni goo ma zarabi.

Luka 4:18

«Ir Koyoo Hundoo goo ay ga. A nʼay suuba kʼay yon hala ya kate Alhabar Boryaa misikiiney se. A nʼay sanba hala ya kasa-izey feeriyanoo har i se, ya danawey moɲey hay, ya laazaabantey feeri,

Teegoyey 14:22

ka taalibey biney daŋ, kʼi hoyray i ma gaabandi naanaa ga, ka bayrandi i se ka nee: «Kala zarabi boobo ma duu ir hala ir ga huru Irkoy Laamaa ra.»

Korent borey bataga 2to 6:10

I gʼir dii sanda boroyaŋ kaŋ biney maray, ka gar waati kul ir ga ɲaali, sanda talkayaŋ, amma ir ga boro boobo tee almankoyni, sanda boroyaŋ kaŋ sii nda baffoo, ka gar ir goo nda haya kul.

Korent borey bataga 2to 8:2

Binemarayyanoo kaŋ duu ey siiyan beeri ra, ngi ɲaali beeroo kate i ma hanse ka tee kabedoona ka noo, ba nda i ga hanse ka talka.

Korent borey bataga 2to 8:9

War gʼir Koyoo Isa Almasihu anneemaa bay, takaa kaŋ nda nga kaŋ goo nda haya kul, a na nga boŋ tee talka war maaganda se, hala nga talkataraa ra war ma duu haya kul.

Tesalonik borey bataga 1na 1:6

War tee ir dendenkey, war tee ir Koyoo dendenkey, takaa kul kaŋ nda war hanse ka zarabi, war yadda šennoo ga nda ɲaali kaŋ hun Hundi Henanantaa do.

Tesalonik borey bataga 2to 1:5

Wey ga cebe kaŋ Irkoy ciitoo ga šerre, war ma laasaabandi boroyaŋ kaŋ ga hima nda Irkoy Laamaa kaŋ se mo war goo ma zarabi.

Žak batagaa 1:12

Boraa duu gomni kaŋ ga siiyan suuri, zama nda a duu maa henna, a ga duu hunayan fuulaa kaŋ ir Koyoo na nga allaahidoo zaa borey se kaŋ ga baa nga.

Žak batagaa 2:5

Wa haŋajer, agʼarmey, ay baakey, Irkoy nka borey kaŋ aduɲɲa gʼi himandi talka suuba kʼi tee naanaykaw beeriyaŋ kʼi tee Irkoy Laamaa tubukawyaŋ kaŋ a na allaahidu zaa borey se kaŋ ga baa nga.

Bangandiroo 2:9

“Ay ga ni zaraboo nda ni talkataraa bay, amma almankoyni ti ni, borey kaŋ ga nee Alyahuudu ti ngi, ka gar i manʼti a, ay ga ngi wowey bay, i manʼti kala Šaytan margahugoo.

Samiyel 1na 2:8

Yalaafantey kaŋ goo kusaa ra, a gʼi tunandi, a ga talkaa jer kʼa kaa žiiboo ra kʼa gorandi boŋkoyney bande. A gʼi noo i ma kokoy fuula daržante tubu. Zama Abadantaa wane nda laboo ganjey, ngi ga a na aduɲɲa gorandi.