Luka 4:22 - Songhai de Gao Bible

²² Borey kul ga seedetaray henna har a ga, de boŋey ga haw nda šenni alhormantey kaŋ ga hun miɲoo ra, de i ga nee: «War kay, manʼti Isufi izoo no wala?»

Luka 4:22 ပူးပေါင်းရင်းမြစ်များ

Zaburey 45:2

Ay binoo ga too nda šenni henna. Ay nee: «Ay dooni fayyaney hantumey manʼti kala kokoyoo wane!» Yala ay deenoo ma tee hantumkaw henna kalamoo!

Zaburey 45:4

Wongaaroo, ni takubaa daŋ ni centoo ga, a ga ni annuuraa nda ni daržaa cebe.

Yaasawey 10:32

Boro šerrante miɲoo ga wan ka haya henna har, haya šiirante no ma hun boro futu miɲoo ra.

Yaasawey 16:21

Bine lakkalkoyni no i gʼa cee fahamante, šenni henna mo ga bayray tonton.

Yaasawey 25:11

Šenni henna kaŋ harandi nga waatoo ra ga hima nda jinay kaŋ teendi wura ra ka nzorfu kaaray kʼa caaray.

Waazukaa 10:12

Lakkalkoyni miɲoo ga too nda šenni alhormante, lakkal jaŋante miɲoo gʼa halaci.

Luka 2:47

Borey kul kaŋ maa a se boŋey haw nda nga lakkaloo nda nga zaabey.

Luka 2:48

Kaŋ nga hayragey dii a, boŋey haw. Ɲaŋoo nee a se: «Ay izoo, macin ti takaa woo kaŋ nʼnʼa tee ir se? Guna, agay nda ni baabaa, ir na ni ceeci nda hunburay.»

Luka 21:15

Agay hunday ga war noo mee nda lakkal kaŋ war nkuway kul si hin ka kay war jine wala ka kakaw.

Luka 4:21

A šintin ka šelaŋ ka nee i se: «Citaaboo šennoo kaŋ war ne ka maarʼa, a tabati hõ.»

Yehiya 1:45

Filip dii Nataniyel, a nee a se: «Ir duu boraa kaŋ ga Musa hantum ašariyaa ra, annabey mo šelaŋ a ga kaŋ ti Isa, Isufi Nazaret boraa, izoo.»

Yehiya 6:42

I nee: «Manʼti Isa Isufi izʼaroo ti woo, ir ga ɲaŋoo nda baaboo bay? Taka foo sohõ a ga nee: ‹Beenaa ra ay zunbu ka hun?›»

Yehiya 7:46

Lakkalkey zaabi ka nee: «Abada adamize kul mana bay ka šelaŋ sanda boraa woo takaa!»

Teegoyey 6:10

I sii nda gaabi ka kay lakkaloo nda Hundoo jine kaŋ nda Etiyen ga šelaŋ.

Tit batagaa 2:8

Ni šennoo ma tee cimi kaŋ si hin ka kakawandi, hala boro kaŋ gaaru a se, koyoo ma haw, a masi hin ka haya laala kul har ir ga.