Luka 24:27 - Songhai de Gao Bible

²⁷ A šintin nda Musa citaaboo ka koy annabey waney kul ga kʼi fahamandi hayey kaŋ hantumandi nga ga Irkoy citaaboo kul ra.

Luka 24:27 ပူးပေါင်းရင်းမြစ်များ

Šintinoo 12:3

Borey kaŋ ga gaara ma ne, ay ga albarka daŋ i ra, amma boro kaŋ na ni danga, ay gʼa laali. Ni bande, aduɲɲa alaayan beerey kul ga duu albarka.»

Šintinoo 22:18

Ni hayroo bande aduɲɲa gandawey kul ga duu albarka, zama nʼna haŋajer ya ne.›»

Šintinoo 26:4

Ay ga ni hayroo boobandi sanda handarawey kaŋ goo beenaa ra. Ay gʼa noo gandawey wey kul. Ni hayroo bande aduɲɲa gandawey kul ga duu albarka,

Šintinoo 3:15

Ay ga iberitaray daŋ ni nda woyoo game, ay gʼa daŋ ni hayroo nda nga hayroo game. A ga ni boŋoo motti, ni mo ga ceekoroo motti.»

Šintinoo 49:10

Kokoytaray goboo si hun Žuda kone. Boŋkoynitaray goboo si hun kaboo ra, hala nga koy cimi-cimoo kaayanoo ga, nga kaŋ se gandawey kul borey ga yee ganda.

Zaburey 132:11

Abadantaa žee nda cimi Dawda se, a si willi kate a ga, a nee: «Ni hayroo boro foo no ay gʼa gorandi ni fuulaa ra.

Kabuyaney 21:14

Woo maaganda se Abadantaa wongey citaaboo ra i ga nee: «Waheb kaŋ goo Sufa gandaa ra, nda Arnoŋ isaa harey,

Marku 4:34

A si šelaŋ i se kala nda filla yaasayanteyaŋ hinne. Amma nda ngi hinne no, a ga šenney kul feeri taalibey se.

Luka 24:25

Isa nee i se: «He lakkal jaŋantey kaŋyaŋ ga gay hala biney ga naanay hayey kul kaŋ annabey nʼi har.

Luka 24:44

A nee i se: «Wey ti šenney kaŋ ay nʼi har war se waatoo kaŋ ay goo war game. Kala hayey kul kaŋ hantumandi ay ga Musa ašariyaa nda annabey citaabey nda Zaburey citaaboo ra ma tabati.»

Yehiya 1:45

Filip dii Nataniyel, a nee a se: «Ir duu boraa kaŋ ga Musa hantum ašariyaa ra, annabey mo šelaŋ a ga kaŋ ti Isa, Isufi Nazaret boraa, izoo.»

Yehiya 12:41

Ezayi na woo har, zama a nka dii Isa daržaa, a šelaŋ a ga.

Yehiya 5:37

Baabaa Irkoy hunday kaŋ nʼay sanba na seedetaray tee ay ga. War mana bay ka maa jindoo, war mana bay ka dii nga alhaaloo,

Yehiya 5:39

War ga Citaaboo caw kʼa fesufesu, zama war ga hongu nga ra war ga duu hunayan abadantaa, nga no ma seedetaray tee ay ga.

Teegoyey 10:43

Annabey kul na seedetaray tee a ga kaŋ boro kaŋ naanay a ga duu zunubu yaafayan nga maaɲoo albarkaa ra.»

Teegoyey 3:18

Takaa woo da, hayaa kaŋ Irkoy gay a nʼa har nda annabey kul miɲey kaŋ ti nga Almasihu ga zarabi, a nʼa tabatandi.

Teegoyey 3:22

Musa nee: ‹Ir Koyoo Irkoy gʼay cine annabi foo fattandi war se war armey ra, war ma haŋajer a se hayey kul kaŋ a gʼi har war se ra.

Teegoyey 3:24

De mo annabey kul, za Samiyel hala wey kaŋ kaa ka šelaŋ dumaa ga, i kul na zaarey wey bayrandi.

Teegoyey 7:37

Nga ti Musa kaŋ nee Izirayel borey se: ‹Irkoy gʼay cine annabi foo fattandi war se war armey ra.›

Teegoyey 8:35

Filip na nga miɲoo feeri ka šintin nda Citaaboo šennoo din ka Isa Alhabar Boryaa waazu a se.

Alhukumoo 1:45

War yee kateroo ga, war hẽe Abadantaa jine, amma Abadantaa mana maa war hẽeney se, a mana haŋajer war se.

Alhukumoo 18:15

Abadantaa, ni Koyoo ga annabi foo tunandi ni game, ni armey ra, sanda ay cine, war ma haŋajer a se.

Bangandiroo 19:10

Ay kaŋ cewey cire ka sujudu a se. Amma a nee ya ne: «Hawgay masi woo tee, ay manʼti kala ni nda ni armey tam hangasinoo kaŋ ga Isa seedetaraa dii. Sujudu Irkoy se, zama Isa seedetaraa ka annabey tuti i ma šelaŋ.»