Luka 2:13 - Songhai de Gao Bible

¹³ Almalaykaa goo ma šelaŋ kurkey se kaŋ dogoo din da almalayka jama kaa ka hun beenaa ra ka tonton a ga. I ga Irkoy saabu ka nee:

Luka 2:13 ပူးပေါင်းရင်းမြစ်များ

Šintinoo 28:12

A handiri. Handiroo ra, a dii kali-kali kaŋ ga kay laboo ga, boŋoo goo beenaa ra, de Irkoy almalaykey ga žigi, i ga zunbu kali-kaloo boŋ.

Kokoyey 1na 22:19

Miše yee ka nee: «Aywa, haŋajer Abadantaa šennoo se. Ay dii Abadantaa a ga goro nga kokoy gorodogoo ra, beenaa hayey kul ga kay a jere, kabe gumaa nda iwaawaa ga.

Ayuba 38:7

waatoo kaŋ subbaahi handarawey ga kaati nda ɲaali cere bande, de Irkoy izʼarey kul ga kaati ka kobi?

Zaburey 148:2

Nga almalaykey kul, wʼa saabu! Nga wongu-ize jamaa, war kul mʼa saabu!

Zaburey 68:17

Macin se war, tondi hondey kaŋ goo nda boŋ boobo, war ga canse tondi hondoo ga kaŋ kan Irkoy se nga mʼa tee nga gorodogoo? Abadantaa ga goro no din waati kul.

Luka 15:10

Takaa din da, ay gʼa har war se, ɲaali ga tee Irkoy almalaykey nda cere game zunubante folloku kaŋ tuubi se.»

Luka 2:12

Tammaasaa ne kaŋ nda war ga kaa kʼa bay: war ga zanka taana foo gar kaŋ didijandi zaara ra, de a ga kani alman ŋaa jinay foo ra.»

Luka 2:14

«Daržaa ma bara Irkoy se beenaa se beene, de aduɲɲa ra alaafiyaa ma bara borey kaŋ a ga bagʼey ga.»

Efez borey batagaa 3:10

hala Egilizoo bande sohõ Irkoy lakkaloo kaŋ ga dumi-dumi, a ga waaniwaani ma cebandi hini nda gaabey se kaŋ goo beenaa nongey ra.

Timote bataga 1na 3:16

Kakaw sii a ra, Irkoy ganayanoo sirroo ga hanse ka beeri: Irkoy na nga boŋ cebe gaaham ra, nga Hundoo yadda kaŋ a ga šerre, a bangandi almalaykayaŋ se. A waazandi dumiyaŋ se, aduɲɲa ra a naanayandi, a zandi ka huru daržaa ra.

Eberewey batagaa 1:14

Almalaykey, manʼti hundiyaŋ no kaŋ ga goy Irkoy se wala? Manʼti i nka sanbandi hala i ma goy borey se kaŋ na hallasiyan tubu wala?

Piyer bataga 1na 1:12

Irkoy bangandi annabey se kaŋ hayey wey manʼti ngi boŋ ga i goo, war ga i goo. Sohõ, hayey wey Alhabar Boryaa waazukey nʼi har war se Hundi Henanantaa kaŋ hun beenaa ra albarkaa ra. Hayey wey, almalaykey ga boonay ngi ma fuuni ka dii ey.

Bangandiroo 5:11

Ay goo ma guna kaŋ ay maa almalayka boobo jinde se kaŋ ga kokoy gorodogoo, nda hundikoyney, nda boro beerey kuubi kʼi bere. Almalaykey hinnaa manʼti kala zenber woyyaŋ hala cee zenber woyyaŋ nda zenberyaŋ hala cee zenberyaŋ.