Luka 18:13 - Songhai de Gao Bible

¹³ Alkaasidiikaa hunday ga kay nongu mooro ra, a si yadda ka ba nga boŋoo jer ka beenaa guna, amma a ga nga gandey kar ka cebe kaŋ nga nimsi, a nee: ‹Irkoy, hinna ay ga, agay kaŋ ti zunubante.›

Luka 18:13 ပူးပေါင်းရင်းမြစ်များ

Samiyel 2to 12:13

Dawda nee Nataŋ se: «Ay na zunubu tee Abadantaa ga.» Nataŋ nee Dawda se: «Abadantaa ga ni zunuboo kaa, nʼsi buu.

Taarikey 2to 33:19

Nga Irkoy ŋaarayroo, nda takaa kaŋ nda Irkoy na haŋajer a se, nda zunuboo nda nga laadir jaŋaa, nda nongey kaŋ ra a na tooru ganadogey cin ka Ašera bundu toorey nda tooru assuurawey daŋ waatoo kaŋ a mana nga boŋ yeeti ganda, wey hantumandi Hozay citaaboo ra.

Taarikey 2to 33:23

A mana nga boŋ yeeti ganda Abadantaa jine, sanda takaa kaŋ nda nga baabaa Manase na nga boŋ yeeti ganda. Amma nga, Amoŋ hanse ka laybu tee.

Ezra 9:6

Ay nee: «Ay haw, ay Koyoo, ay si hin kʼay boŋoo jer ni, ay Koyoo here, ir laybey boobo hala i bisa ir boŋey ga, ir tooɲerey boobo ka too hala beenaa ra.

Ayuba 42:6

Woo maaganda se, ay tun a ga, ay gʼay boŋ yeeti ganda ka goro labu nda boosu ra.»

Zaburey 106:6

Ir nda ir baabey duu zunubu, ir na laybu tee, ir na goy futu tee.

Zaburey 119:41

Abadantaa, yala ni borohennataraa ma kaa hala ay do, ni hallasiroo ma kaa ay do nda takaa kaŋ nʼnʼa har!

Zaburey 130:7

Izirayel, ma Abadantaa batu! Zama borohennataray si duwandi kala Abadantaa do, de mo feeriyan beeri goo a do.

Zaburey 25:11

Ni maaɲoo maaganda se, Abadantaa, nʼgʼay layboo yaafa ya ne, zama a ga boobo.

Zaburey 25:7

Masi hongu ay zankataraa zunubey nda ay tureyaney, Abadantaa, hongu agay ka sawa nda ni borohennataraa ni alhormaa maaganda se!

Zaburey 40:12

Ni, Abadantaa, nʼsi ni hinnaroo wanji ya ne, ni borohennataraa nda ni laadirtaraa gʼay hawgay waati kul.

Zaburey 41:4

Abadantaa gʼa faaba nga wirci daaroo boŋ, nʼgʼa noo baani timmante nga wircoo ra.

Fattaroo 33:10

Jamaa kul ga dii duulaa kaŋ ga kay i jine cere kubayyan hukkumoo miɲoo ga, jamaa kul ga sujudu, affoo kul nga hukkumoo miɲoo ga.

Matiyu 10:3

nda Filip, nda Bartelemi, nda Toma, nda Matiyu kaŋ ti alkaasidiikaa, Žak kaŋ ti Alfe izʼaroo, nda Tade,

Matiyu 6:5

«Nda war ga Irkoy ŋaaray, war masi tee almunafikey cine kaŋ ga baa ngi ma tun ka kay margahugey ra nda lolawey kanjey ga ka Irkoy ŋaaray hala borey ma dii ngi. Cimoo ne kaŋ ay gʼa har war se, i duu ngi sufuraa ka ben.

Matiyu 9:13

Wa šennoo koroo hongu kaŋ ga nee: ‹Hinnari no ma kan ya ne, manʼti sargariyaŋ.› Zama ya na kaa ka boro šerrantey cee, zunubantey no ay gʼi cee.»

Marku 11:25

Waati kaŋ war kayandi ka Irkoy ŋaaray, nda a gar dooray goo war biney ra boro se, wa yaafa a se, hala war Baabaa Irkoy mo kaŋ goo beenaa ra ma war laybey yaafa.

Luka 17:12

A mma huru koyra-ize foo ra kaŋ aru jiraykoyni woy (10) nʼa kubay. I kay a se nongu mooro ra,

Luka 22:41

Woo banda ga, a mooru ey ka koy haya kaŋ ga too tondi kaŋ boro nʼa jindaw kaydogoo. A sonbu kanjey ga ka Irkoy ŋaaray

Luka 23:48

Alžamaa kul kaŋ marga, waatoo kaŋ i dii hayaa kaŋ tee, yee i ga ngi gandey kar ka ngi binemarayyanoo cebe.

Luka 5:8

Kaŋ Simoŋ Piyer dii woo, a sujudu Isa se ka nee: «Ay Koyoo, mooru agay, ay manʼti kala adamize zunubante.»

Teegoyey 2:37

Waatoo kaŋ i maa šenney wey, biney maray, i nee Piyer nda diyawey cindey se: «Macin no ir mʼa tee, arma arey?»

Rom borey batagaa 5:8

Amma takaa woo nda Irkoy ga nga bajoo cebe ir se: waatoo kaŋ ir manʼti kala zunubanteyaŋ, Almasihu buu ir maaganda se.

Korent borey bataga 2to 7:11

Zama nga ne, war binemarayyanoo hunday kaŋ sawa nda Irkoy ibaayoo mana kate kala war ma duu ka hayey tee nda cahãyan nda ɲaali, nda faasayan beeri, nda binetunyan beeri, nda hunburay beeri, nda faajiyan beeri, nda gaabandiyan beeri, nda ba zukandiyan beeri. Nongoo kul here war cebe kaŋ war ga henan hayaa woo ra.

Timote bataga 1na 1:15

Šennoo woo, šenni hakiikante no, a ga hima ka diyandi nongoo kul here kaŋ Almasihu Isa nka kaa aduɲɲa ra ka zunubantey hallasi kaŋyaŋ agay ti i kul ibeeroo.

Eberewey batagaa 4:16

Adiši, ir ma man nda naanay Irkoy kokoy gorodoo anneemantaa hala ir ma duu tamalla nda anneema ka duu faabari waatoo ra kaŋ ir ga muraadu a.

Eberewey batagaa 8:12

Ay ga ngi goy futawey yaafa i se, ay si yee ka hongu ngi zunubey.»