Luka 16:9 - Songhai de Gao Bible

⁹ Agay mo ga nee war se kaŋ war ma cereyaŋ tee nda nooroo kaŋ ga boro derandi, nga ra waati kaŋ a ben, i ga naŋ war ma huru ngi gorodoo abadantey ra.

Luka 16:9 ပူးပေါင်းရင်းမြစ်များ

Zaburey 73:26

Ay hamoo nda ay binoo goo ma ben, amma Irkoy ti ay Tondoo nda ay bagaa hala abada.

Yaasawey 14:24

Lakkalkoyney kokoy fuulaa manʼti kala ngi almanoo, lakkal jaŋantey si hun ngi saamataraa ra.

Yaasawey 19:17

Boro kaŋ ga hinna talka se mma garaw Abadantaa se, a ga kaa kʼa bana a se.

Yaasawey 23:5

Ni moɲey mma bara alman bande wala? A sii no, zama a na fatayaŋ tee, sanda dutal, a deeši ka koy beenaa here.

Waazukaa 11:1

Ni ŋaahayaa warra haroo bande, gayyan banda ga, nʼga duu a.

Matiyu 19:21

Isa nee a se: «Nda nʼga baa ma tee boro kaŋ tee ka timme, koy hayey kaŋ goo ma ne neere, de ma hayoo noo talkey se, woo ra nʼga duu alman beenaa ra. Nga banda ga, ma kaa ka hanga agay.»

Matiyu 6:19

«War masi alman marga aduɲɲa kaŋ ra dusu nda guuruboosu gʼa halaci, de mo kaŋ ra zayey ga kayra kʼa zay.

Matiyu 6:24

«Boro sii no kaŋ ga hin ka goy gaakoy hinka se. A mma konna affaa ka baa affaa wala a ma denji affaa ga ka donda affaa. War si hin ka tee tam Irkoy se, war ma tee tam nooru se.»

Luka 11:41

Hayey kaŋ goo kunehere no war ga hima kʼi sarga, nga ra hayey kul ga henan war se.

Luka 12:33

«Wa war arzakaa neere ka hayoo sarga. Wa fortomaaniyaŋ tee war boŋ se kaŋ si žen nda alman kaŋ si ben kaŋ goo beenaa ra kaŋ zay si man a, dusu sʼa ŋaa.

Luka 14:14

Woo ra nʼga duu gomni, zama i sii nda a kʼa yeeti ni ga. Irkoy gʼa yeeti ma ne hanoo hane kaŋ boro šerrantey ga tun.»

Luka 16:11

Nda war mana laadir nooroo ra kaŋ ga boro derandi, may no ma alman cimoo talfi war ga?

Luka 16:13

«Tam sii no kaŋ ga hin ka goy gaakoy hinka se. A mma konna affaa ka baa affaa wala a ma denji affaa ga ka donda affaa. War si hin ka tee tam Irkoy se war ma tee tam nooru se.»

Luka 16:4

Ay ga hayaa bay kaŋ ay gʼa tee, nga ra waati kaŋ ay hun jinay talfikawtaraa ra, borey ga naŋ ya man ngi.›

Teegoyey 10:31

A nee: ‹Kornay, ni ŋaarayroo taandi, Irkoy hongu ni sargarey.

Teegoyey 10:4

A na nga moɲey kanji a ga, a hunbur, de a nee a se: «Macin no, ay koyoo?» A nee a se: «Ni ŋaarayrey nda ni sargarey žigi Irkoy do, a hongu ey.

Korent borey bataga 2to 4:17

Ir zaraboo kaŋ si beeri manʼti kala waati kayna, darža beeri abadante kaŋ si neešandi hansandi ir se.

Žud batagaa 1:21

Wa cindi Irkoy bajoo ra kʼir Koyoo Isa Almasihu tamallaa batu kaŋ ga war noo hunayan abadantaa.