Luka 12:5 - Songhai de Gao Bible

⁵ Ay ga boraa cebe war se kaŋ war ga hima ka hunbur a. Wa hunbur boraa kaŋ, nda a wiiya banda ga, a goo nda hini ka boro warra žahannam. Ay ga war bayrandi, nga no war ma hunbur a.

Luka 12:5 ပူးပေါင်းရင်းမြစ်များ

Zaburey 9:17

Abadantaa na nga boŋ cebe, a na ciiti dunbu. Boro laaley ga kaŋ kumsaa ra kaŋ kabey nʼa tee. Hooray jinawey hinne no ma hẽe. Kay-kayna

Yaasawey 14:26

Boro kaŋ ga hunbur Abadantaa goo naataa henna ra, nga izey ga duu nongu kaŋ ra i ga ngi boŋ talfi.

Matiyu 10:28

War masi hunbur borey kaŋ ga boro kunturoo wii, amma i si hin ka hundi wii. Amma wa hunbur boraa kaŋ ga hin ka hundi nda kunturu kul halaci žahannam.

Matiyu 25:41

Woo banda ga, a ga nee borey kaŋ goo nga kabe waawaa here se: ‹Wa hun ay ga, dangantey! Wa koy nuune abadantaa ra kaŋ soolandi Ibilisi nda nga dontokey se,

Matiyu 25:46

Wey ga koy zukandi abadantaa ra, amma boro šerrantey ga koy hunayan abadantaa ra.›»

Matiyu 5:22

Amma agay, ay ga war bayrandi kaŋ boro kul kaŋ futu nga armaa ga, ga hima ka koy ciitikey jine. Boro kaŋ nee nga armaa se ‹saama›, ga hima ka koy hoyraykey margaroo jine. Boro kaŋ nee nga armaa se ‹hollokom›, boraa si hima ka koy kala žahannam nuunaa ra.

Marku 13:23

War, wa hawgay! Hayey kul ra ay na war haŋa žiibey kaa.»

Tesalonik borey bataga 1na 4:6

Woo ga, boro masi kaŋ nga armaa ga, a masʼa tooɲe, zama ir Koyoo ti hayey wey kul faasakaa, sanda takaa kaŋ nda ir bay kʼa har war se, ka yee kʼa šendandi war ga.

Eberewey batagaa 10:31

Almasiiba ti boro ma kaŋ Irkoy hunantaa kaboo ra!

Piyer bataga 2to 2:4

Nda Irkoy mana almalaykey naŋ kaŋ na zunubu tee, a nʼi warra kʼi haw guusu futaa ra, kʼi dii kubaa din ra ciitoo se.

Bangandiroo 14:7

A na jinde jer ka nee: «Wa hunbur Irkoy, war ma darža daŋ a ga, zama nga ciitoo waatoo too. Wa sujudu Boraa se kaŋ na beenaa, nda laboo, nda teekoo, nda hari dandidogey tee.»

Bangandiroo 15:4

Ir Koyoo, may ka si hunbur ni, may ka si ni maaɲoo beerandi? Zama ni hinne no ma henan, gandawey kul ga kaa ka sujudu ni jine, zama ni teegoy šerrantey bangay.»

Bangandiroo 20:14

Buuyanoo nda alaahara warrandi guusu beeroo ra kaŋ ra nuune ga dii: guusu beeroo kaŋ ra nuune ga dii ti buuyan hinkantoo.