Luka 12:45 - Songhai de Gao Bible

⁴⁵ Amma nda tamoo woo nee nga boŋ se: ‹Ay koyoo ga gay hala a ga kaa›, nda a šintin ka baɲɲey nda koŋŋey kar, ka ŋaa, ka haŋ ka suu,

Luka 12:45 ပူးပေါင်းရင်းမြစ်များ

Ayuba 24:23

A gʼa naŋ, a ga hongu nga goo alaafiya ra, amma moɲey goo ngi fondawey ga.

Matiyu 22:6

Wey kaŋ cindi na tamey dii kʼi zarabi kʼi wii.

Luka 12:44

Ay gʼa har war se nda cimi, a gʼa daŋ nga almanoo kul jine.

Luka 12:46

tamoo woo koyoo ga kaa zaari kaŋ a sʼa hongu ra nda waati kaŋ a sʼa bay ra. A gʼa zukandi futu ka nga nda borey kaŋ si naanay tee affoo.

Luka 21:34

«Wa war boŋ hawgay, war biney masi koy hanga ŋaayan, nda suuyan, nda hundi alhuzun bande hala zaaroo din ma kaa war ga waati kaŋ war sʼa hongu.

Yehiya 2:10

ka nee a se: «Boro kul, alaneb hari moora hennaa no a ga jin kʼa zamna, nda hoyandikey too, waatoo din i mʼi noo woo kaŋ si hanse ka boori. Ni, ni gaabu alaneb hari hennaa ga kala sohõ.»

Teegoyey 2:18

De mo ba ay baɲɲey nda ay koŋŋey, haney din ay gʼay Hundoo doori i boŋ, de i ga annabitaray tee.

Rom borey batagaa 16:18

Zama borey wey dumey si goy ir Koyoo Almasihu se, ngi boŋ gundey se i ga goy. I ga ngi šenni kaaney nda šenniyaŋ kaŋ ga boro šifa ka borey kaŋ si ifutu miile darga.

Korent borey bataga 2to 11:20

War ga boro muɲe kaŋ ga war tee baɲɲa, wala boro kaŋ ga war hayaa taa, wala boro kaŋ ga war kabey koonandi, wala boro kaŋ ga war kaynandi, wala boro kaŋ ga war saŋ.

Alhukumoo 12:12

War ma ɲaali Abadantaa, war Koyoo jine, war, nda war izʼarey, nda war ize woyey, nda war baɲɲey, nda war koŋŋey, nda Lewi boraa kaŋ goo war koyrawey ra, zama a sii nda baa, a sii nda tubu war bande.

Tesalonik borey bataga 1na 5:7

Borey kaŋ ga jirbi si jirbi kala cijinoo ra, wey kaŋ ga suu si suu kala cijinoo ra.

Piyer bataga 2to 2:13

I ga duu ifutaa kaŋ i nʼa tee banaa. Zaarikay cululu a ga kan i se ngi ma ngi kaani futawey tee. Nda i goo ma ŋaa war bande, a ga kan i se ngi ma war darga, i manʼti kala žiibi nda laybu.

Piyer bataga 2to 2:19

I gʼi noo allaahidu kaŋ i ga sawalandi, ka gar ngi hunday manʼti kala haya funba baɲɲa, zama haya kaŋ hin ni se, nʼga tee baɲɲa.

Bangandiroo 16:6

Zama i na Irkoy boro henananteyaŋ nda annabiyaŋ kurey doori. Nʼnʼi noo kuri i mʼa haŋ, i ga hima nda a.»

Bangandiroo 18:24

Nga do annabey, nda Irkoy boro henanantey, nda borey kul kaŋ koosandi laboo ga kurey garandi.