Luka 12:31 - Songhai de Gao Bible

³¹ Hayaa kaŋ war ga hima kʼa ceeci manʼti kala Irkoy Laamaa, de hayey wey mo ga tontonandi war se.

Luka 12:31 ပူးပေါင်းရင်းမြစ်များ

Zaburey 34:9

Wa taba ka dii takaa kaŋ nda Abadantaa ga boori! Boraa duu gomni kaŋ ga nga boŋ talfi a ga.

Zaburey 37:19

I si haw bone waati, heray waatey ra i ga kungu.

Zaburey 37:25

Za ay zankataray hala ay žen, ya na bay ka dii Irkoy ma boro šerrante fur, wala nga hayroo ma nga meehunaa gariibu.

Zaburey 37:3

Ni naanaa daŋ Abadantaa ra, ma goy henna, ma goro gandaa ra, laadirtaray ma tee ni hunaa.

Zaburey 84:11

Ka zaari foo tee ni hugoo batumawey ra baa ka zaari zenber (1.000) tee nongu tana ra. Ya kay ay Koyoo hugoo jindoo ga, ay bagʼa nda ya goro boro laala hukkumey cire.

Matiyu 6:33

Haya jinaa kaŋ war ga hima kʼa ceeci manʼti kala [Irkoy] Laamaa nda nga šerretaraa, de hayey wey mo kul ga tontonandi war se.

Luka 10:42

Amma haya folloku ka tilasu. Maryama na baa hennaa zaa kaŋ si hun a kone.»

Luka 12:30

Zama hayey wey kul aduɲɲa kutakey no mʼi ceeci. Amma war Baabaa Irkoy ga bay kaŋ war ga too i ga.

Yehiya 6:27

War masi goy ŋaahayaa kaŋ ga mursu se, amma wa goy ŋaahayaa se kaŋ ga cindi hala hunayan abadantaa ra. Ŋaahayaa, Boro-izʼaroo gʼa noo war se, zama nga no Baabaa Irkoy nʼa tabatandi.»

Rom borey batagaa 8:31

Macin no ir ma nee hayey wey ga? Nda Irkoy goo ir bande, may no ma kay kʼir gandu?

Timote bataga 1na 4:8

Gaaham feeriyan goo nda nafaw kayna, Irkoy hunburay binde goo nda nafaw nongu kul here, allaahidu goo a ra sohõ da hunaroo se, allaahidu goo a ra hunaroo kaŋ goo kaa se.

Eberewey batagaa 13:5

Nooru baji masi war gongu, war ma wasa nda woo kaŋ goo war kone, zama ir Koyoo hunday nee: «Ay si ni naŋ abada, ay si ni fur abada.»