Luka 12:26 - Songhai de Gao Bible

²⁶ Adiši nda war si hin ka ba woo tee, cin se war ga huzun nda hayey cindey?

Luka 12:26 ပူးပေါင်းရင်းမြစ်များ

Zaburey 39:6

Nʼna ay jiirey kuuyanoo tee kabe hayyan diidaa, agay aloomuroo manʼti baffoo ni do. Cimi no, adamize kul, ba kaŋ a ga huna, a manʼti kala harandaŋ. Kay-kayna

Waazukaa 7:13

Irkoy teegoyoo guna: may ma hin ka haya šerrandi kaŋ Irkoy nʼa golbi.

Matiyu 6:25

«Woo se ay ga war bayrandi kaŋ war masi huzun war hunaroo se nda woo kaŋ war gʼa ŋaa, [wala woo kaŋ war gʼa haŋ], wala war gaahamoo se, woo kaŋ nda war ga daabu. Hundi mana bisa ŋaayan, gaaham mana bisa bankaaray wala?

Luka 12:25

War ra, may ti boraa kaŋ nga alhuzunoo ga kate a ma hin ka ba alwaati kayna tonton nga aloomuroo ga?

Luka 12:27

Wa kutukuryey guna takaa kaŋ nda i ga zay. I si taabi, i si haabu bii. Ay ga war bayrandi kaŋ Sulaymaana nda nga daržaa kul, a mana bankaaray daŋ ka too ngi affoo.

Luka 12:29

War, war masi war boŋ zarabi ka hayaa ceeci kaŋ war gʼa ŋaa wala kʼa haŋ.

Piyer bataga 1na 5:7

Wa war alhuzuney kul fur a ga, zama a ga huga nda war.