Luka 12:20 - Songhai de Gao Bible

²⁰ Amma Irkoy nee a se: ‹Saama, hõ cijinoo hunday ni hundoo ga taandi. Hayey kaŋ nʼnʼi soolu, may no ma duu ey?›

Luka 12:20 ပူးပေါင်းရင်းမြစ်များ

Ester 5:11

Haman filla i se haya kaŋ ti alman beeroo kaŋ goo nga se, nda izʼarey hinnaa, nda takaa kul kaŋ nda kokoyoo na nga jer boŋkoyney nda kokoyoo borey kul jine.

Ayuba 27:8

Macin ti naataa kaŋ goo boro se kaŋ si hunbur Irkoy waati kaŋ Irkoy na hundoo karfoo dunbu, waati kaŋ a na hundoo kaa?

Zaburey 39:6

Nʼna ay jiirey kuuyanoo tee kabe hayyan diidaa, agay aloomuroo manʼti baffoo ni do. Cimi no, adamize kul, ba kaŋ a ga huna, a manʼti kala harandaŋ. Kay-kayna

Zaburey 49:10

I mma hongu kaŋ ngi ga huna hala abada, ngi si dii saaraa guusoo wala?

Zaburey 73:19

Wa guna, dogoo din da i tee yaada, i benandi, bone nʼi derandi.

Zaburey 78:30

Ngi alhawaa mana hun jina, ngi ŋaahayaa goo miɲey ra,

Yaasawey 10:2

Alman kaŋ duwandi ifutu ra si nafa, šerretaray no ma boro hallasi buuyan ra.

Yaasawey 11:4

Alman si haya kul hanse futay zaari hane, šerretaray no ma boro hallasi buuyan ra.

Yaasawey 13:7

Boro ga nga boŋ tee almankoyni, ka gar a sii nda baffoo. Boro tana ga nga boŋ tee talka ka gar almankoyni no.

Yaasawey 27:1

Masi fooma nda suba, zama nʼsi bay haya kaŋ zaari foo gʼa hay.

Yaasawey 28:8

Boro kaŋ ga nga almanoo tonton nda albaha nda arriba futu, a sʼa marga kala boraa se kaŋ ga hinna.

Luka 11:40

Lakkal jaŋantey, manʼti tarayheroo teekaa, nga da ka kuneheroo tee wala?

Tesalonik borey bataga 1na 5:3

Waati kaŋ borey ga nee: «Baani nda lakkalkanay», dogoo din da halaciyan ga kaŋ i boŋ sanda takaa kaŋ nda taamari ga kaa woy gundekoyni ga, i si fatta a ra kul.

Timote bataga 1na 6:17

Borey yaamar kaŋ ti zamanoo woo almankoyney, i masi tee bolsanteyaŋ, i masi ngi naataa daŋ alman ra kaŋ si cindi. I ma ngi naataa daŋ Irkoy ra kaŋ ga haya kul noo ir se nda booboyan hala ir ma daame a ra.

Timote bataga 1na 6:7

Ir mana kate haya kul aduɲɲa ra, ir si hin ka haya kul mo ka koy.

Žak batagaa 4:14

War si bay haya kaŋ no suba gʼa hay. Macin ti war hunaroo? A manʼti kala harandaŋ kaŋ ga kaa alwaati kayna, woo banda ga, a ga dere.