Luka 11:42 - Songhai de Gao Bible

⁴² Amma war bone, Fariziyeŋey, zama war ga anaanawoo, nda suboo, nda dumaray kul azakkaa noo Irkoy se. Amma war dirɲa Irkoy šerretaraa nda nga bajoo. Wey ti hayey kaŋ war hima kʼi tee bila nda war ma jerey yankar.

Luka 11:42 ပူးပေါင်းရင်းမြစ်များ

Nehemi 10:37

Ir ga kate ir gunde jinawey nda ir adabbawey hay jinawey ka sawa nda woo kaŋ ašariyaa nʼa har. Ir ga kate ir haw-ize jina-jinawey, nda ir alman buuna ize jina-jinawey ir Koyoo hugoo ra. Ir gʼi noo sargari juwalkaa se kaŋ ga goy ir Koyoo hugoo ra.

Yaasawey 21:3

Ka goy nda šerretaray nda cimi ti haya kaŋ ga kan Abadantaa se ka bisa sargari.

Waazukaa 7:18

A ga boori ma haya hinkaa woo dii i masi hun ni ra, zama boro kaŋ ga hunbur Irkoy ga duu fattadoo hayey wey kul ra.

Matiyu 23:13

«War bone, Citaaboo baykey nda Fariziyeŋey, almunafikey, zama war ga beenaa Laamaa daabu borey ga, war si huru, war si wey kaŋ ga baa ngi ma huru, naŋ i ma huru.

Matiyu 23:23

War bone, Citaaboo baykey nda Fariziyeŋey, almunafikey, zama war ga anaanawoo, nda kaabaa, nda day-day kaŋ se i ga nee kumin, azakkaa noo Irkoy se. Amma war na ašariyaa haya beerey naŋ kaŋ ti šerretaray, nda hinnari, nda laadirtaray. Wey ti hayey kaŋ war hima kʼi tee bila nda war ma jerey naŋ.

Matiyu 23:27

War bone, Citaaboo baykey nda Fariziyeŋey, almunafikey, zama war ga hima nda saarayyaŋ kaŋ i nʼi kaarayandi, tarayheroo ga hima nda haya kaŋ ga boori, amma kuneheroo ga too nda bukaw biri nda žiibi dumi kul.

Luka 18:12

Ay ga meehaw cee hinka jirbiiyyaa ra. Ay duuraa kul kaŋ goo ya ne, ay ga azakkaa noo ma ne.›

Yehiya 5:42

Amma ay ga war bay kaŋ Irkoy bajoo sii war ra.

Yehiya bataga 1na 4:20

Nda boro nee: «Ay ga baa Irkoy», amma a ga konna nga armaa, taariharkaw no. Zama boro kaŋ si baa nga armaa kaŋ a ga dii a, taka foo nda a ga hin ka baa Irkoy kaŋ a si dii a?

Samiyel 1na 15:22

Samiyel nee: «Sargari kukurantey nda sargarey ga kan Abadantaa se ka bisa boro ma haŋajer Abadantaa se wala? Kalaa, kalaa, ka haŋajer Abadantaa se baa sargari kaayan, ka lakkal daŋ baa gaarey maaney sargari.