Luka 11:39 - Songhai de Gao Bible

³⁹ Amma ir Koyoo nee a se: «War Fariziyeŋey, war ga potoo nda taasaa dumaa ɲumay, amma war kuneheroo ga too nda komari nda laalay.

Luka 11:39 ပူးပေါင်းရင်းမြစ်များ

Šintinoo 6:5

Abadantaa dii kaŋ nbunadam borolaalataraa hanse ka boobo laboo ra, de mo zaaroo kul nga binoo miilewey manʼti kala ifutu.

Taarikey 2to 25:2

A na haya tee kaŋ ga henan Abadantaa jine, amma binoo kul mana hanga Abadantaa bande.

Zaburey 22:13

Yaaru booboyaŋ gʼay kuubi kʼay bere, Bašaŋ gandaa adabba gaabikoyniyaŋ gʼay wanga.

Yaasawey 26:23

Mee kaana bine futu ga hima nda labu kusu kaŋ tarayheroo daabandi nda nzorfu kaaray žiiboo.

Yaasawey 26:25

Ba nda a na šenni kaanayaŋ har, masi naanay a, zama almuhal iyye goo binoo ra.

Yaasawey 30:12

Zaman foo alwaddayaŋ goo no kaŋ ga hongu ngi ga henan, ka gar i mana ɲumay ka hun ngi žiiboo ra.

Matiyu 15:19

Zama bine ra hongu futawey, nda borowiiyaney, nda zinayaney, nda woy nda aru izefututarawey, nda zaytarawey, nda taari seedetarawey, nda wowyaney ga hun.

Matiyu 7:15

«Wa war boŋ hawgay taari annabey ga. I ga kaa war ga sanda feejiyaŋ, amma ngi kuneheroo manʼti kala ganjihanši futuyaŋ.

Luka 16:15

A nee i se: «War, war ga ceeci ka tee boro šerranteyaŋ adamizey jine, amma Irkoy ga war biney bay, zama haya kaŋ adamizey nʼa jer, haya harramante no Irkoy do.

Luka 7:13

Kaŋ ir Koyoo dii woyoo, kul a hanse ka hinna a se, a nee woyoo se: «Masi hẽe.»

Luka 7:19

kʼi sanba ir Koyoo do, i ma nee a se: «Ni ti boraa kaŋ ga hima ka kaa wala manʼti ni no, ir ma affoo batu?»

Yehiya 12:6

Manʼti a mma huzun talkey se, nga se a na woo har, amma zay no, nga ti nooroo talfikaa, a ga haya zaa kaŋ huru a ra.

Yehiya 13:2

Hawraa ga, Ibilisi daŋ ka ben Žudas, Simoŋ Iskariyot izʼaroo binoo ra a mʼa nondi.

Teegoyey 5:3

Piyer nee a se: «Ananiyas, macin se Ibilisi na ni binoo too hala nongu kaŋ ra nʼga taari Hundi Henanantaa se ka lanbandi farroo hayoo ra?

Galati borey batagaa 1:14

takaa kaŋ nda ay bisa agʼalwaddaa boobo ay jamaa ra Alyahuudey addinaa ra, zama ay ga hanse ka canse ay baabey alaadawey se.

Timote bataga 2to 3:5

Ngi tarayheroo ga hima nda Irkoy ganakawyaŋ, amma i si yadda nga hinoo ga. Borey wey dumey, mooru i ga.

Tit batagaa 1:15

Haya kul ga henan borey kaŋ ga henan se, amma borey kaŋ si henan, i si naanay Irkoy, haya kul si henan i se, ngi lakkaley nda ngi biney ga žiibi.

Žak batagaa 4:8

Wa man Irkoy, a ga man war. Zunubantey, wa war kabey ɲumay, lakkal hinka-hinkakoyney, wa war biney henanandi.