Luka 11:2 - Songhai de Gao Bible

² A nee i se: «Nda war ga Irkoy ŋaaray, wa nee: ‹Ya Baaba Irkoy! Yala ni maaɲoo ma zandi sanda henanante, ni Laamaa ma kaa.

Luka 11:2 ပူးပေါင်းရင်းမြစ်များ

Kokoyey 1na 8:43

ma haŋajer a se beenaa ra kaŋ ti ni gorodogoo. Haya kul kaŋ nda a na ni ŋaaray, mʼa tee a se hala laboo kul jamawey ma ni maaɲoo bay, ka hunbur ni sanda takaa kaŋ nda ni jamaa Izirayel ga hunbur ni, i ma bay mo kaŋ hugoo woo kaŋ ay nʼa cin, ni maaɲoo no ma ciyandi a ga.

Kokoyey 2to 19:19

Sohõ, Abadantaa, ir Koyoo, ay gʼa wiri ni ga, mʼir hallasi Senakerib kaboo ra hala laboo kokoy laamawey kul ma bay kaŋ ni hinne, Abadantaa ti Irkoy!»

Taarikey 2to 20:6

A nee: «Abadantaa, ir baabey Koyoo, manʼti ni ti Irkoy kaŋ goo beenaa ra, manʼti ni no ni hinoo goo gandawey laamawey kul boŋ wala? Gaabi nda hini sii kala ni kaboo ra, boro kul si hin ka kay ni jine.

Zaburey 103:20

Abadantaa almalaykey, wa albarka daŋ a se, war kaŋ ti wongaari gaabanteyaŋ, war ga nga šennoo ka goy, ka haŋajer šennoo se kaŋ a nʼa har.

Zaburey 108:5

Zama ni borohennataraa ga jer ka bisa beenaa, de ni laadirtaraa ga too hala duulawey do.

Zaburey 11:4

Abadantaa goo nga hugu henanantaa ra, Abadantaa kokoy gorodogoo goo beenaa ra, moɲey ga honnay, moɲey goo adamizey ga.

Zaburey 57:11

Zama ni borohennataraa ga too hala beenaa ra, de ni laadirtaraa ga too hala duulawey do.

Waazukaa 5:2

Almuraadu boobo ga kate boro ma handiri, takaa din da lakkal jaŋante, nga šenni boobey no mʼa cebe.

Sargarey 10:3

Musa nee Haruna se: «Woo ti hayaa kaŋ Abadantaa nʼa har ka nee: ‹Borey kaŋ ga too kate ay do, ay ma henanandi i do. Jamaa kul jine ya jeerandi.›» Woo banda ga, Haruna dangay.

Sargarey 22:23

Nʼga hin ka haw, wala alman buuna kaŋ cewey bisa cere wala cee faa ga dunbay kaa sargari nda ni boŋ, amma a si hin ka tee meefur sargari, a si taandi.

Matiyu 10:32

«Woo se boro kul kaŋ nee nga goo ay mayraa ra adamizey jine, agay mo ga nee ay Baabaa Irkoy kaŋ goo beenaa ra jine kaŋ boraa din goo ay mayraa ra.

Matiyu 3:2

ka nee: «Wa tuubi, zama beenaa Laamaa man.»

Matiyu 5:16

Takaa din da, war gaayoo ma dii adamizey jine, taka kaŋ ra i ma dii war teegoy henney, de i ma war Baabaa Irkoy kaŋ goo beenaa ra beerandi.»

Luka 11:1

Han foo Isa goo ma Irkoy ŋaaray nongu foo ra. Waatoo kaŋ a benandi, nga taalibey affoo nee a se: «Ay Koyoo, ir waanandi takaa kaŋ nda ir ga Irkoy ŋaaray, sanda takaa kaŋ nda Yehiya nʼa waanandi nga taalibey se.»

Rom borey batagaa 1:7

Irkoy baakey kul kaŋ goo Rom koyraa ra, kaŋ ciyandi i ma jisandi jere ga Irkoy se, war se ay ga batagaa woo sanba. Ir Baabaa Irkoy nda ir Koyoo Isa Almasihu anneemaa nda alaafiyaa ma kaa war ga.

Rom borey batagaa 8:15

Hundoo kaŋ war duu a manʼti baɲɲataray hundi soko war ma yee ka hunbur, Hundoo kaŋ war duu a mma war tee ize kanbariyaŋ kaŋ ga kate ir ma kaati ka nee: «Abba, ir Baabaa Irkoy!»

Korent borey bataga 1na 1:3

Ir Baabaa Irkoy nda ir Koyoo Isa Almasihu anneemaa nda alaafiyaa ma kaa war ga.

Korent borey bataga 2to 1:2

Ir Baabaa Irkoy nda ir Koyoo Isa Almasihu anneemaa nda alaafiyaa ma kaa war ga.

Galati borey batagaa 1:4

Almasihu na nga boŋ noo ir zunubey maaganda se kʼir cendi kʼir kaa zaman laalaa woo ra. Woo ti Irkoy ir Baabaa ibaayoo.

Efez borey batagaa 1:2

Ir Baabaa Irkoy nda ir Koyoo Isa Almasihu anneemaa nda alaafiyaa ma kaa war ga.

Filipi borey batagaa 1:2

Ir Baabaa Irkoy nda ir Koyoo Isa Almasihu anneemaa nda alaafiyaa ma kaa war ga.

Filipi borey batagaa 4:20

Irkoy ir Baabaa, darža ma bara a ga abada hala abada. Amin.

Kolos borey batagaa 1:2

ka batagaa woo sanba arma henanantey kaŋ goo Kolos koyraa ra se kaŋ ti laadirante Almasihu albarkaa ra. Ir Baabaa Irkoy anneemaa nda alaafiyaa ma kaa war ga.

Tesalonik borey bataga 1na 1:1

Agay Pol, nda Silweŋ, nda Timote ka batagaa woo sanba Tesalonik koyraa borey Egilizoo se kaŋ goo Baabaa Irkoy nda ir Koyoo Isa Almasihu bande. Irkoy anneemaa nda nga alaafiyaa ma kaa war ga.

Tesalonik borey bataga 1na 1:3

ka hongu war teegoyey kaŋ ga war naanaa cebe, nda war farawoo kaŋ ga war bajoo cebe, nda war muɲeyanoo ir Koyoo Isa Almasihu naataa ra Irkoy ir Baabaa jine.

Tesalonik borey bataga 2to 2:16

Ir Koyoo Isa Almasihu hunday nda ir Baabaa Irkoy kaŋ baa ir, de a nʼir noo bineyaynay abadante nda naata henna nga anneemaa albarkaa ra

Bangandiroo 11:15

Almalayka iyyantoo na laati beeroo kar, jinde beeriyaŋ šelaŋ beenaa ra ka nee: «Aduɲɲa kokoytaraa tee ir Koyoo nda nga Almasihu wane. A ga laama abada hala abada.»

Bangandiroo 15:4

Ir Koyoo, may ka si hunbur ni, may ka si ni maaɲoo beerandi? Zama ni hinne no ma henan, gandawey kul ga kaa ka sujudu ni jine, zama ni teegoy šerrantey bangay.»

Bangandiroo 19:6

Woo banda ga, ay maa ma nee alžama beeri jinde. A ga hima nda hari beeri jinde nda jiŋjiŋyan gaabanteyaŋ jinde kaŋ ga nee: «Aleluya! Zama ir Koyoo Irkoy, Hini-kul-koyoo na nga laamaa gorandi.

Bangandiroo 20:4

Ay dii kokoy gorodooyaŋ, borey kaŋ ga goro i boŋ duu hini ka ciiti. Ay dii borey hundey kaŋ i na boŋey kaa jindey ga Isa seedetaraa, nda Irkoy meešennoo maaganda se, nda borey kaŋ mana sujudu adabbaa nda nga assuuraa se, adabbaa tammaasaa mana huru teɲawey ga, a mana huru kabey ga. I huna koyne ka laama Almasihu bande jiiri zenber foo (1.000).