Luka 1:73 - Songhai de Gao Bible

⁷³ zama a nka žee ir kaagaa Ibirahima se kaŋ nga ga doonandi ir se,

Luka 1:73 ပူးပေါင်းရင်းမြစ်များ

Šintinoo 24:7

Abadantaa kaŋ ti beenaa Koyoo kaŋ nʼay kaa ay baabaa hugoo ra nda ay gandaa ra, nga kaŋ šelaŋ ka žee ya ne kaŋ nga ga gandaa woo noo ay hayroo se, nga hunday ga nga almalaykaa daŋ ni jine. De mo no din ra nʼga wande zaa ay izoo se.

Šintinoo 26:3

Ma goro ka waati tee no din ra. Ay goo ni bande. Ay ga albarka daŋ ni ra, zama ni nda ni hayroo se ay ga gandawey wey kul noo. Ay ga žeeyanoo too kaŋ ay nʼa žee ni baabaa Ibirahima se.

Zaburey 105:9

woo kaŋ a nʼa daŋ nga nda Ibirahima game, nda žeeyanoo kaŋ a nʼa tee Isiyaka se.

Luka 1:74

ir ma nga gana bila hunburay, waati kaŋ nga nʼir kaa ir iberey kabey ra.

Alhukumoo 7:12

Nda war na haŋajer hantumey kaŋ kayandi wey se, war nʼi dii, war nʼi ka dira, Abadantaa, ni Koyoo ga amaanaa nda borohennataraa too kaŋ a nʼa žee ni baabey se.

Alhukumoo 7:8

Amma hayaa kaŋ no manʼti kala Abadantaa mma baa war, a nka baa nga ma allaahidoo too kaŋ a nʼa zaa war baabey se. Abadantaa na war fattandi nda kabe gaabante, a na war feeri ka war kaa tamtaray hugoo ra nda Firawuuna, Misira kokoyoo kaboo ra.

Eberewey batagaa 6:13

Waatoo kaŋ Irkoy na allaahidu zaa Ibirahima se, a žee nda nga boŋ maaɲoo, zama boro sii no kaŋ bisa a kaŋ nda a ga hin ka žee.