Luka 1:66 - Songhai de Gao Bible

⁶⁶ Borey kul kaŋ maa hayey nʼi dii ngi biney ra, de i ga nee: «Macin no zankaa woo ga ti a?» Ir Koyoo goo a bande.

Luka 1:66 ပူးပေါင်းရင်းမြစ်များ

Šintinoo 37:11

Isufi armey canse a ga, amma baaboo gaabu šennoo ga.

Šintinoo 39:2

Abadantaa goo Isufi bande, haya kul kaŋ ra a huru ga boori. A cindi nga koyoo, Misira boraa, hugoo ra.

Kokoyey 1na 18:46

Abadantaa na albarka daŋ Ilyasu ra kaŋ na gamahaw ka nga centoo šiita ka huru Akab jine ka zuru ka koy too hala Žizireyel.

Zaburey 119:11

Ay ga ni meešennoo jisi ay binoo ra hala ya si duu ka zunubu tee ni ga.

Zaburey 80:17

I na tuuroo ton ka nuune daŋ a ra, i nʼa dunbandi, ni zahãyanoo jine i ga dere.

Zaburey 89:21

Ay duu ay tamoo Dawda, ay nʼa yon nda ay jii henanantaa.

Luka 1:80

Zanka kaccaa ga beeri, de nga lakkaloo ga tonton. A cindi saajoo ra hala hanoo kaŋ ra a kaa ka nga boŋ bayrandi Izirayel se.

Luka 2:19

Maryama na šenney kul dii nga binoo ra, de a ga miile i ga.

Luka 2:40

Woo gar, zankaa gaaboo ga tonton, a goo nda lakkal beeri, de Irkoy alhormaa goo a ga.

Luka 2:51

A doo i bande ka koy Nazaret, a cindi i cire. Ɲaŋoo na hayey kul kaŋ tee dii nga binoo ra.

Luka 9:44

«Wa war haŋawey kayandi ka maa hayaa kaŋ ay gʼa har. Boro-izʼaroo ga kaŋandi adamizey kabey ra.»

Teegoyey 11:21

Ir Koyoo goo i bande, borey hinnaa ga boobo kaŋ naanay ka bere ir Koyoo here.

Kolos borey batagaa 1:5

naataa kaŋ jisandi war se beenaa ra maaganda se. Naataa no kaŋ war maarʼa cimoo šennoo ra kaŋ ti Alhabar Boryaa.

Samiyel 1na 16:18

Aru sooga goykey affoo zaabi ka nee: «Ay dii Yišay, Betelehem boraa izʼaru foo kaŋ ga wan karyan, wongaari mo no, asaja no, a ga wan šenni, aru henna no, Abadantaa goo a bande.»

Samiyel 1na 2:18

Samiyel ga goy Abadantaa jine. Zanka no, leŋ beene kaayi-ize goo a ga.