Korent borey bataga 2to 3:3 - Songhai de Gao Bible

³ A ga kaaray kaŋ war manʼti kala Almasihu batagaa kaŋ ir goyoo nʼa tee. Manʼti dawa nda a hantumandi, Irkoy hunantaa Hundoo kʼa hantum. Manʼti tondi walha ga a hantumandi, baši walhayaŋ ga a hantumandi kaŋ goo war biney ra.

Korent borey bataga 2to 3:3 ပူးပေါင်းရင်းမြစ်များ

Zaburey 40:8

Woo se ay nee: «Nga ne, agay ne ma kaa, sanda takaa kaŋ nda a hantumandi ay ga citaabu kunkunantaa ra.»

Zaburey 42:2

Sanda takaa kaŋ nda jeeri ga hari ceeci, takaa din nda ay hundoo ga ni ceeci, ya Irkoy.

Zaburey 84:2

Abadantaa, Aduɲɲakoyoo, ni gorodogey ga hanse ka kan!

Fattaroo 24:12

Abadantaa nee Musa se: «Žigi ka kaa ay do tondi hondoo boŋ, ma cindi no din. Ay ga ni noo tondi walhawey, maanaa ašariyaa nda yaamaroo kaŋ ay nʼi hantum ka jamaa cawandi.»

Fattaroo 31:18

Waatoo kaŋ a šelaŋ ka ben Musa bande Sinay tondi hondoo ga, a nʼa noo seedetaraa walha hinkaa, tondi walhawey kaŋ Irkoy nʼi hantum nda nga kabe-izoo.

Fattaroo 32:15

Musa na banda bere ka zunbu tondi hondoo boŋ, seedetaraa walha hinkaa goo kaboo ra. Walhaa banda hinkaa kul ga hantum goo, a goo caraw foo ga, a goo caraw faa ga.

Fattaroo 34:1

Abadantaa nee Musa se: «Tondi walha hinka hoy sanda ijinawey, ay ga šenney hantum i ga kaŋ cindi ijinawey ga kaŋ nʼnʼi kayri.

Yaasawey 3:3

Masi borohennataray nda laadirtaray naŋ, i haw ni jindoo ga, i hantum ni binoo walhaa ga.

Yaasawey 7:3

I haw ni kabe-izey ga, i hantum ni binoo walhaa ga.

Matiyu 16:16

Simoŋ Piyer zaabi ka nee: «Ni ti Almasihu, Irkoy hunantaa Izʼaroo.»

Korent borey bataga 1na 3:5

Apolos ti may? Pol ti may? Ir manʼti kala Irkoy goykawyaŋ kaŋyaŋ bande war naanay. Ir affoo kul nka goy nda nooyanoo kaŋ ir Koyoo nʼa noo a se.

Korent borey bataga 2to 3:6

Nga no kʼir noo hini ir ma tee amaana taagaa se goykaw. Amaanaa woo mana hun ašariyaa hantumoo harfu ra, Irkoy Hundoo ra a hun, zama ašariyaa hantumoo harfoo mma wiiya, Irkoy Hundoo ga hunayan noo.

Korent borey bataga 2to 3:7

Buuyan goyoo žeerandi ka hantumandi tondiyaŋ ga, de annuura gʼa kuubi kʼa bere hala nongu kaŋ ra Izirayel borey si hin ka moo kanji Musa ndumoo ga, annuuraa kaŋ goo ndumoo ga se, ka gar haya bisante no.

Korent borey bataga 2to 6:16

Cin ti hayaa kaŋ goo Irkoy hugoo nda tooruyaŋ game? Ka gar ir manʼti kala Irkoy hunantaa hugoo, sanda hayaa kaŋ Irkoy nʼa har ka nee nga Citaaboo ra: «Ay ga goro i game, ay ga dira i bande. Ay ga tee ngi Irkoy, i ga tee ay jamaa.»

Tesalonik borey bataga 1na 1:9

Borey hunday ga takaa deede kaŋ nda war nʼir dii waatoo kaŋ ir koy war do nda mo takaa kaŋ nda war bere ka hun toorey ga ka Irkoy dii, ka Irkoy hunantaa kaŋ ti cimikoynoo gana,

Eberewey batagaa 10:16

«‹Amaanaa kaŋ ay gʼa zaa i se zaarey wey banda ga›, war Koyoo kʼa har, ‹ay gʼay ašariyawey daŋ biney ra, ay gʼi hantum lakkaley ra›»,

Eberewey batagaa 8:10

Amaanaa kaŋ ay gʼa zaa Izirayel hugoo borey se zaarey wey banda ga, war Koyoo kʼa har, ay gʼay ašariyawey daŋ lakkaley ra, ay gʼi hantum biney mo ga. Ay ga tee ngi Irkoy, i ga tee ay jamaa.

Eberewey batagaa 9:14

taka foo nda Almasihu kuroo kaŋ Hundi abadantaa albarkaa ra na nga boŋ noo sanda sargari kaŋ ga laybu sii, si war lakkaley henanandi ka hun teegoyey ra kaŋ ga koy buuyan here hala war ma goy Irkoy hunantaa se?

Žozuwe 3:10

Žozuwe nee koyne: «Woo ra war ga bay kaŋ Irkoy hunantaa goo war game, de šikka sii a ga Kanaŋ borey, nda Heti borey, nda Hewi borey, nda Ferezi borey, nda Girgaši borey, nda Amor borey, nda Žebus borey gaaray war jine.

Bangandiroo 2:1

«Hantum almalaykaa se kaŋ goo Efez koyraa Egilizoo ra, nee a se: ‹Hayaa ne kaŋ boraa kaŋ kabe gumaa ra handaray iyyaa goo kaŋ ga dira wura fitilla gorodoo iyyaa gamey ra gʼa har, a ga nee:

Bangandiroo 2:12

«Hantum almalaykaa se kaŋ goo Pergam koyraa Egilizoo ra, nee a se: ‹Hayaa ne kaŋ boraa kaŋ kone takuba goo kaŋ mee hinkaa kul ga kan gʼa har:

Bangandiroo 2:18

«Hantum almalaykaa se kaŋ goo Tiyatir koyraa Egilizoo ra, nee a se: ‹Hayaa ne kaŋ Irkoy Izʼaroo gʼa har, boraa kaŋ moɲey ga hima nda nuune deene, de cewey ga hima nda alhan nerante:

Bangandiroo 2:8

«Hantum almalaykaa se kaŋ goo Isimir koyraa Egilizoo ra, nee a se: ‹Hayaa ne kaŋ boraa kaŋ ti ijinaa nda ikokorantaa gʼa har, boraa kaŋ buu, a yee ka huna:

Bangandiroo 3:1

«Hantum almalaykaa se kaŋ goo Sard koyraa Egilizoo ra, nee a se: ‹Hayaa ne kaŋ boraa kaŋ kone Irkoy Hundi iyyaa nda handaray iyyaa goo gʼa har, a ga nee: “Ay ga ni teegoyey bay, i ga nee ma ne hunantaa, ka gar bukaw ti ni.

Bangandiroo 3:14

«Hantum almalaykaa se kaŋ goo Lawodise koyraa Egilizoo ra, nee a se: ‹Hayaa ne kaŋ Amin kaŋ ti seede laadirantaa nda cimikoynoo kaŋ ti Irkoy takaroo šintinoo gʼa har, a ga nee:

Bangandiroo 3:22

Boro kaŋ goo nda haŋa ma maa hayaa kaŋ Irkoy Hundoo gʼa har Egilizey se!»

Bangandiroo 3:7

«Hantum almalaykaa se kaŋ goo Filadelfi koyraa Egilizoo ra, nee a se: ‹Hayaa ne kaŋ boraa kaŋ ti Irkoy Boro Henanantaa, nga kaŋ ti Cimikoynoo, boraa kaŋ kone Dawda kufal-izoo goo gʼa har, boraa kaŋ ga haya feeri, boro kul si hin kʼa daabu, boraa kaŋ ga haya daabu, boro kul si hin kʼa feeri:

Samiyel 1na 17:26

Dawda nee arey kaŋ nga nda ey ga kay se: «Macin no i gʼa tee boraa se kaŋ ga Filisti boraa woo wii ka haawoo kaa Izirayel ga? May ti Filisti boraa woo, jofolaa woo kaŋ ga yadda ka Irkoy hunantaa wongu-ize jamaa wow?»