Korent borey bataga 1na 9:9 - Songhai de Gao Bible

⁹ Zama a hantumandi Musa ašariyaa ra ka nee: «Heejoo kaŋ goo ma taasoo musay, masi miɲoo haw.» Irkoy mma alhuzun nda heeji wala?

Korent borey bataga 1na 9:9 ပူးပေါင်းရင်းမြစ်များ

Zaburey 104:27

I kul naataa sii kala ni ra hala ma ngi noo ngi ŋaahayaa nga waatoo ra.

Yaasawey 12:10

Boro šerrante ga adabbawey dii henna, boro futu hinnaroo ti laalay.

Yunusa 4:11

Taka foo nda nʼga baa ya si tamalla Niniwe koyra beeroo woo se kaŋ borey kaŋ goo a ra ga bisa boro zenber zangu nda zenber waranka (120.000) kaŋ si ifutu nda ihenna kaa cere ra, almaney mo kaŋ goo a ra ga hanse ka boobo?»

Rom borey batagaa 4:23

Šennoo woo mana hantumandi nga hinne se, a kabandi a se šerretaray,

Alhukumoo 25:4

«Masi heejoo miɲoo haw waati kaŋ a ga taasu musay.»

Alhukumoo 5:14

Amma jirbi iyyantoo, hunanzamzaari no Abadantaa, ni Koyoo maaɲoo ga. Masi almušakka kul tee, ni, nda ni izʼaroo, nda ni ize woyoo, takaa din da ni baɲɲaa, nda ni koŋŋaa, nda ni hawoo, nda ni farkaa, nda ni adabbaa kul, nda taabuši kaŋ goo ni koyrawey ra, hala ni baɲɲaa nda ni koŋŋaa ma hunanzam sanda ni takaa.

Timote bataga 1na 5:18

zama Citaaboo nee: «Masi heejoo miɲoo haw kaŋ goo ma taasoo musay.» Koyne mo: «Goykaw ga hima nda nga banaa.»