Korent borey bataga 1na 3:7 - Songhai de Gao Bible

⁷ Woo ra boraa kaŋ ga duma manʼti baffoo, boraa kaŋ ga haŋandi manʼti baffoo, Irkoy kaŋ ga zayandi ti haya.

Korent borey bataga 1na 3:7 ပူးပေါင်းရင်းမြစ်များ

Zaburey 115:1

Manʼti ir maaɲoo ga, Abadantaa, manʼti ir maaɲoo ga, amma ni maaɲoo ga daržaa ma bara ni borohennataraa nda ni laadirtaraa maaganda!

Zaburey 90:17

Yala ir Koyoo Irkoy albarkaa ma bara ir ga! Mʼir kabe goyey tabatandi ir se! Nhuu, ir kabe goyey tabatandi!

Yehiya 15:5

Agay, agay ti alanebɲaŋoo, war, war ti kabey. Boro kaŋ duumi ay ra, agay, ay ga duumi a ra, a ga ize boobo tee sanda tuuri kabe, zama bila agay war si hin ka haya kul tee.

Korent borey bataga 1na 13:2

Koyne mo nda ay duu annabitaray, de ay ga sirrey kul bay, de ay duu bayraa kul, de mo nda ay duu naanay beeri kaŋ ga kate ya hin ka tondi honduyaŋ ganandi, amma nda a gar ay si baa boro, ay manʼti baffoo.

Korent borey bataga 1na 3:6

Agay, ay duma, Apolos nʼa haŋandi, amma Irkoy no ma zayandi.

Korent borey bataga 1na 3:8

Boraa kaŋ ga duma nda woo kaŋ ga haŋandi kul ti affoo, affoo kul, Irkoy gʼa bana nda woo kaŋ nda a gʼa hima.

Korent borey bataga 2to 12:11

Ay tee hollokom, war kʼay gaabi ya ti a, war ti borey kaŋ hima kʼay saabu, zama diyaw beerey wey mana bisa agay nda haya kul, ba kaŋ ay manʼti baffoo.

Korent borey bataga 2to 12:9

A nee ya ne: «Agay anneemaa ga ni wasa, zama gaabi jaŋay ra ay hinoo ga diyandi kaaray.» Adiši a ga hanse ka kan ya ne ya bolsay nda ay gaabi jaŋaa hala Almasihu hinoo ma cindi ay ga.

Galati borey batagaa 6:3

Boro kaŋ ga hongu haya ti nga, ka gar a manʼti baffoo, a mma nga boŋ darga.