Korent borey bataga 1na 3:5 - Songhai de Gao Bible

⁵ Apolos ti may? Pol ti may? Ir manʼti kala Irkoy goykawyaŋ kaŋyaŋ bande war naanay. Ir affoo kul nka goy nda nooyanoo kaŋ ir Koyoo nʼa noo a se.

Korent borey bataga 1na 3:5 ပူးပေါင်းရင်းမြစ်များ

Matiyu 25:15

A na affoo noo talaŋ guu, affoo ihinka, a na affoo noo affoo. A na affoo kul noo woo kaŋ boraa ga hin a, a naaru. Dogoo din da

Luka 1:2

takaa kaŋ nda seedewey kaŋ za šintinoo ga, i maa, i dii, de i nʼi ka too ir do. Ngi no ma huga nda Irkoy meešennoo haryanoo.

Yehiya 3:27

Yehiya zaabi ka nee: «Boro kul si hin ka duu baffoo kala woo kaŋ hun a se Irkoy do beenaa ra.

Teegoyey 18:24

Alyahuudu foo kaa Efez kaŋ maaɲoo ti Apolos, Aleksandiri koyraa boro no. Aru no kaŋ ga wan šenni, a ga hanse ka Citaaboo bay.

Teegoyey 19:1

Kaŋ Apolos goo Korent, Pol bisa nda Azi gandaa tondi hondey, a doo ka kaa Efez. A na taalibi fooyaŋ gar no din.

Rom borey batagaa 15:16

hala ya tee Almasihu Isa goykaw dumey se kaŋ manʼti Alyahuudu, ka sargari juwalkaw goyoo tee Irkoy Alhabar Boryaa here, hala gandawey wey kaŋ tee sargari ma kan a se. Hundi Henanantaa ma sargaroo henanandi.

Korent borey bataga 1na 12:28

Irkoy na boroyaŋ gorandi Egilizoo ra: ijinaa manʼti kala diyawey, ihinkantoo annabey, ihinzantoo cawandikey, woo banda ga, nooyaney kaŋ ti: kayfi teeyan, nda anneemaa nooyaney ka boro duubaanandi, nda ka gaakasinay, nda ka Egilizoo juwal, nda ka šenni dumi-dumiyaŋ har.

Korent borey bataga 1na 16:12

Haya kaŋ ti ir armaa Apolos, cee booboyaŋ ay nʼa wiri a ga a ma koy war do, nga nda ir armey, amma manʼti nga anniyaa no, nga ma koy sohõ da. Za a duu fondo, a ga koy.

Korent borey bataga 1na 3:10

Ka sawa nda Irkoy anneemaa kaŋ nondi ya ne, sanda cinakaw lakkalkoyni, ay na feraw jinawey gorandi kaŋ ti asaasoo, boro tana cina a ga. Amma boro foo kul ma hawgay nda takaa kaŋ nda a ga cina a ga.

Korent borey bataga 1na 3:22

A ma tee Pol, wala Apolos, wala Piyer, wala aduɲɲa, wala hunayan, wala buuyan, wala hayey kaŋ ga bara sohõ da, wala wey kaŋ goo kaa: i kul manʼti kala war wane.

Korent borey bataga 1na 3:7

Woo ra boraa kaŋ ga duma manʼti baffoo, boraa kaŋ ga haŋandi manʼti baffoo, Irkoy kaŋ ga zayandi ti haya.

Korent borey bataga 1na 9:17

Nda ay gʼa tee nda ay boŋ, ay ga hima nda banaw, amma nda ay gʼa tee ba nda ay si baa, a mma tee goy kaŋ talfandi ay ga,

Korent borey bataga 2to 11:23

Almasihu goykawyaŋ no wala? Ay ga šelaŋ sanda saama, agay tiya ka bisa ey: ay taabi ka bisa ey, ay na kasu tee ka bisa ey, ay karandi laala ka bisa ey, cee boobo ay huru buuyan mee ga.

Korent borey bataga 2to 3:3

A ga kaaray kaŋ war manʼti kala Almasihu batagaa kaŋ ir goyoo nʼa tee. Manʼti dawa nda a hantumandi, Irkoy hunantaa Hundoo kʼa hantum. Manʼti tondi walha ga a hantumandi, baši walhayaŋ ga a hantumandi kaŋ goo war biney ra.

Korent borey bataga 2to 3:6

Nga no kʼir noo hini ir ma tee amaana taagaa se goykaw. Amaanaa woo mana hun ašariyaa hantumoo harfu ra, Irkoy Hundoo ra a hun, zama ašariyaa hantumoo harfoo mma wiiya, Irkoy Hundoo ga hunayan noo.

Korent borey bataga 2to 4:1

Irkoy tamalla ir se ka goyoo woo talfi ir ga, woo se ir biney si hun.

Korent borey bataga 2to 4:5

Manʼti ir boŋ no ir gʼa har ir waazey ra, Isa Almasihu no ir gʼa har sanda Koy ir waazey ra. Amma ir, ir ga nee war tamey ti ir Isa maaganda se.

Korent borey bataga 2to 4:7

Amma ir ga hima nda labu kusuyaŋ kaŋ ra almanoo woo goo hala boro ma dii kaaray kaŋ hinoo woo kaŋ cine sii mana hun kala Irkoy do, a mana hun ir do.

Korent borey bataga 2to 5:18

Woo kul mana hun kala Irkoy ra kaŋ nʼir nda nga waafakandi Almasihu albarkaa ra, de mo a na waafakandiyan goyoo talfi ir ga.

Korent borey bataga 2to 6:1

Adiši ir kaŋ ti Irkoy goykasinawey, ir gʼa wiri war ga, war kaŋ duu Irkoy anneemaa, war masi naŋ a ma tee yaada,

Korent borey bataga 2to 6:4

Ir mmʼir boŋ cebe sanda Irkoy tam hennayaŋ haya kul ra. Ir gʼa cebe nda muɲeyan beeri, nda zarabiyaŋ, nda tilasuyaŋ, nda šiitayanyaŋ,

Efez borey batagaa 3:7

Ay tee a se goykaw ka sawa nda Irkoy anneemaa nooyanoo kaŋ nondi ya ne nga hinoo albarkaa ra.

Kolos borey batagaa 1:23

Amma kala war ma tabati naanaa ra, war ma gaabandi, war masi Alhabar Boryaa naataa naŋ kaŋ war maarʼa kaŋ waazandi takaroo kul kaŋ goo aduɲɲa ra se kaŋ se agay Pol, ay tee goykaw.

Kolos borey batagaa 1:25

Ay tee Egiliz goykaw nda takaa kaŋ nda Irkoy nʼa kayandi war maaganda se ka Irkoy meešennoo har kʼa timmandi.

Timote bataga 1na 1:12

Ay ga albarka daŋ Almasihu Isa ir Koyoo se kaŋ nʼay noo gaabi, kʼay dii laadirante, kʼay daŋ nga goyoo ra,

Piyer bataga 1na 4:10

War affoo kul anneemaa nooyanoo kaŋ a duu a, war mʼa ka war cerey almuraadey hanse ka tee Irkoy anneemaa dumi-dumiyaŋ talfikaw.