Korent borey bataga 1na 13:4 - Songhai de Gao Bible

⁴ Baji ga suuri, a ga boori, a si canse, [baji] si bolsay, a si fooma,

Korent borey bataga 1na 13:4 ပူးပေါင်းရင်းမြစ်များ

Šintinoo 30:1

Waatoo kaŋ Rašel dii kaŋ nga si duu ize Yakuba se, a canse nga woymaa ga, de a nee Yakuba se: «Ay noo zanka, nda manʼti nga, ay ga buu!»

Šintinoo 37:11

Isufi armey canse a ga, amma baaboo gaabu šennoo ga.

Nehemi 9:17

I wanji ka maa, i mana hongu kayfey kaŋ nʼnʼi tee i se. I boŋšenday, ngi tureyanoo ra i na boŋkoyni tee ngi boŋ se ka willi ngi tamtaraa ra Misira. Amma ni manʼti kala Koy kaŋ ga yaafa, kaŋ ga alhormo tee, a ga tamalla, nʼsi cahã ka futu, ni borohennataraa ga beeri, manʼi naŋ.

Zaburey 10:5

Waati kul nga hayey ga duu fondo, ni ciitey ga hanse ka mooru ka toorʼa, a ga nga nkuwawey kul funsu kʼi derandi.

Yaasawey 10:12

Konnay ga yenje tunandi, baji ga laybu kul daabu.

Yaasawey 13:10

Bolsay si kate haya kul kala yenje, lakkal sii kala borey bande kaŋ ga maa hoyray.

Yaasawey 17:14

Citi šintinyan manʼti kala faari jinde kayriyan, hun no din za yenjaa mana šintin.

Yaasawey 17:9

Boro kaŋ ga tooɲeyan yaafa ga baji ceeci, boro kaŋ gʼa hongandi ga baakawyaŋ fay.

Yaasawey 19:22

A ga boori adamize ma borohennataray cebe, talka baa taariharkaw.

Yaasawey 31:20

A ga nga kabey feeri talkaa se, a ga nga kaboo šerre yalaafantaa se.

Yaasawey 31:26

A ga nga miɲoo feeri nda lakkal, deenoo ga borohennataray cawandi.

Waazukaa 10:4

Nda boraa kaŋ ga laama futu ni ga, masi hun ni dogoo ra, zama suuri ga zunubu boobo ganji.

Matiyu 27:18

A ga bay kaŋ canseyan ka kate i ma Isa daŋ nga kaboo ra.

Teegoyey 7:9

Kaagey canse ngi armaa Isufi ga kʼa neere a ma koy Misira. Amma Irkoy goo a bande.

Rom borey batagaa 1:29

Biney ga too nda šerretaray jaŋay dumi kul, nda laalay, nda albahiiritaray, nda binefutay. I ga too nda canseyan, nda borowiiyan, nda yenje, nda zanbayan, nda binebibitaray, nda almunafikitaray.

Rom borey batagaa 13:13

Ir ma dira beeray ra, sanda zaari here, ir masi ŋaa-ka-hoo, ka suu, ka woy nda aru izefututaray tee, ir masi haya futu boonay, ir masi yenje, ir masi canse.

Korent borey bataga 1na 3:3

zama war manʼti kala aduɲɲa izeyaŋ. Canseyan nda yenje kaŋ goo war game si cebe kaŋ aduɲɲa izeyaŋ ti war wala? Manʼti adamizey takaa nda war ga dira wala?

Korent borey bataga 1na 4:18

Boroyaŋ war ra too nda hew, i mma tammahã kaŋ ay si kaa war do.

Korent borey bataga 1na 4:6

Agʼarmey, šenney wey kaŋ ay nʼi har agay nda Apolos ga, ya nʼi har kala hala war mʼir guna ka tee se. A ga war ganji war ma bisa woo kaŋ hantumandi ga, hala war masi bolsay ka boro foo bisandi affoo.

Korent borey bataga 1na 5:2

Woo kul, war ga hew, war biney nka hima ka hanse ka maray, hala boraa kaŋ na woo tee, war mʼa gaaray kʼa kaa war game.

Korent borey bataga 1na 8:1

Haya kaŋ ti hayey kaŋ sargandi toorey maaɲey ga, ir ga faham kaŋ ir kul goo nda bayray. Bayray mma boro ka fooma, amma baji mma boro tonton.

Korent borey bataga 2to 12:20

Ay ga hunbur waati kaŋ ay kaa ya si war gar taka kaŋ ga kan ya ne ga, de mo war mo masʼay gar taka kaŋ ga kan war se ga. Ay ga hunbur ya yenjeyaŋ gar war game, nda canseyaŋ, nda binetunyaŋ, nda alhaasiditarayyaŋ, nda cere maahasaraw, nda miimandayaŋ, nda bolsay, nda taka šiirayaŋ.

Korent borey bataga 2to 6:6

nda henanyan, nda bayray, nda suuri, nda borohennataray, nda Hundi Henanantaa, nda baji kaŋ ra almunafikitaray sii,

Galati borey batagaa 5:26

Ir masi tee foomanteyaŋ ka cere ceeci, ka canse cere ga.

Efez borey batagaa 4:2

nda boŋ-yeeti-gandayan, nda bineyaynay, nda suuri, war ma cere muɲe nda baji.

Efez borey batagaa 4:32

Wa boori cere se, war ma hinna, war ma yaafa cere se sanda takaa kaŋ nda Irkoy yaafa war se Almasihu albarkaa ra.

Filipi borey batagaa 1:15

Boro fooyaŋ, cimi no, i ga Almasihu šennoo waazu nda canseyan nda yenje, amma affooyaŋ gʼa waazu nda anniya hennay.

Kolos borey batagaa 1:11

Nga gaabi daržantaa ga war noo gaabi hala war ma hanse ka muɲe, war ma hanse ka suuri. Wa ɲaali

Kolos borey batagaa 2:18

War masi naŋ boro kul ma war ganji war ma duu jalaa kaŋ ga duwandi konkošaa ra, kaŋ ti boro ma nga boŋ ibaayoo tee ka tee sanda nga mma nga boŋ yeeti ganda ka almalaykey gana, ka huru haya ra kaŋ a dii a bangayyan ra, a ga too nda hew yaada nda nga hundi-ibaayoo miileyanoo.

Kolos borey batagaa 3:12

War kaŋ ti Irkoy boro suubantey, nga boro henanantey, nga baakey, war ma tamallay, nda borohennataray, nda boŋ-yeeti-gandayan, nda bineyaynay, nda suuri daŋ war ga sanda darbay.

Tesalonik borey bataga 1na 5:14

Ir armey, ir gʼa wiri war ga, war ma borey hoyray kaŋ si šerre, borey kaŋ biney hun, wa biney daŋ, wa borey faaba kaŋ sii nda hini, wa suuri borey kul se.

Timote bataga 1na 6:4

boraa too nda bolsay, a si haya kul bay. Kakaw nda šenni cendiyan wirci bara a ga kaŋ ra canseyan, nda yenje, nda wowyaney, nda tuume futawey ga hun,

Timote bataga 2to 2:25

Nga kakawkey, a mʼi cawandi nda bineyaynay, a ga hin ka tee Irkoy mʼi noo fondo i ma tuubi ka cimoo bay

Timote bataga 2to 3:10

Amma ni, ni hanga ay cawandiyanoo, nda ay dira takaa, nda hayey kaŋ ay nʼi dunbandi, nda ay naanaa, nda ay suuroo, nda ay bajoo, nda ay muɲeyanoo,

Timote bataga 2to 4:2

ma Irkoy meešennoo waazu ka gaabandi nga haryanoo ga, a ma tee alwaati henna wala alwaati šenda, borey daŋ fondaa ra, i fahamandi, i hoyray nda suuri dumi kul nda cawandiyan.

Tit batagaa 3:3

Zama ir mo, waatoo din ir manʼti kala lakkal jaŋanteyaŋ, turanteyaŋ, darganteyaŋ. Ir na boonay futu nda bine-ibaayi dumi-dumiyaŋ tee ir goyoo. Ir dira laalay nda canseyan ra. Borey nʼir konnay, ir konna cere.

Žak batagaa 4:5

Wala war mma hongu Citaaboo mma šelaŋ yaada kaŋ a nee kaŋ Irkoy ga hanse ka baa hundoo kaŋ a nʼa daŋ ir ra, a ga canse a se?

Piyer bataga 1na 2:1

Woo maaganda se war ma laalay kul nda zanbayan kul naŋ, nda almunafikitaray, nda canseyan, nda cere maahasaraw kul.

Piyer bataga 1na 3:8

Woo kul banda ga, war kul ma tee miile foo, war ma hinna, war ma baa cere sanda armayaŋ, war ma tamalla, war ma war boŋ yeeti ganda.

Piyer bataga 1na 4:8

Amma woo kaŋ bisa haya kul ti war ma hanse ka baa cere, zama baji ga zunubu boobo daabu.

Piyer bataga 2to 1:7

ka armataray baji tonton Irkoy ganayan ga, ka baji tonton armataray baji ga.

Yehiya bataga 1na 4:11

Ay baakey, nda Irkoy baa ir nda takaa woo, ir mo ga hima ka baa cere.