Korent borey bataga 1na 10:4 - Songhai de Gao Bible

⁴ de mo i kul na haŋhaya follokaa haŋ kaŋ Irkoy nʼa noo, zama i ga hayaa kaŋ Irkoy nʼa noo haŋ tondoo ra, tondoo manʼti kala Almasihu.

Korent borey bataga 1na 10:4 ပူးပေါင်းရင်းမြစ်များ

Šintinoo 40:12

Isufi nee a se: «Handiroo almaganaa ne, tuuri kabe hinzaa manʼti kala jirbi hinza.

Šintinoo 41:26

Haw iyye henney manʼti kala jiiri iyye. Jeeni iyye boryey mo manʼti kala jiiri iyye. Handiri follokaa no.

Zaburey 105:41

A na tondoo feeri, hari fatta, a doori ka koy sanda isa saajey ra.

Zaburey 78:15

A na tondiyaŋ kayri saajoo ra kʼi noo hari i ma haŋ haya kaŋ ga wasa i se, ni mma nee guusu beeri hari.

Zaburey 78:20

Nga ne, a na tondoo kar, haroo doo, isayaŋ dandi nongoo kul here, a mma hin ka ŋaayan wala ham noo nga jamaa se wala?

Fattaroo 17:6

Nga ne, ay ga kay ni jine tondoo ga kaŋ goo Horeb jeroo ga. Ma tondoo kar, hari ga fatta a ra, jamaa ga haŋ.» Musa na yaamaroo din tee Izirayel boro beerey jine.

Kabuyaney 20:11

Woo banda ga, Musa na nga kaboo jer ka tondoo kar nda nga goboo cee hinka. Hari boobo fatta, jamaa nda ngi jawdey haŋ.

Yehiya 4:10

Isa nʼa zaabi ka nee: «Nda a gar ni mma Irkoy nooyanoo bay nda boraa kaŋ goo ma nee ma ne: ‹Ay noo ya haŋ›, ni hunday no mʼa wiri ma haŋ, de a ga ni noo hari hunante.»

Yehiya 4:14

amma boro kaŋ na haroo haŋ kaŋ ay gʼa noo a se, šikka sii kaŋ a si jaw hala abada. Haroo kaŋ ay gʼa noo a se ga tee a ra isaɲaa kaŋ ga boosu hala hunayan abadantaa ra.»

Yehiya 7:37

Zaari kokorantaa hane, jingaroo zaari beeroo, Isa tun ka kay ka kaati ka nee: «Boro kaŋ ga jaw, a ma kaa ay do ka haŋ.

Galati borey batagaa 4:25

Hažatta ti Sinay tondi hondoo kaŋ goo Arabi, a ga hima nda Žerizalem kaŋ ga bara sohõ da, zama nga nda nga izey goo baɲɲataray.

Alhukumoo 9:21

Yagaa kaŋ war nʼa tee kaŋ ti goy zunubantaa, ay nʼa dii kʼa ton nuune ra, ay nʼa kayri, kʼa dur hala a tee hamni, ay na hamnoo warra haroo ra kaŋ ga doo ka hun tondi hondoo ra.

Kolos borey batagaa 2:17

kaŋyaŋ manʼti kala hayey kaŋ hima ka kaa biyoo, amma cimoo ti Almasihu.

Eberewey batagaa 10:1

Ašariyaa manʼti kala haya henney kaŋ goo kaa biyoo, manʼti nga hunday ti hayey din. Abada a si hin ka borey tee boroyaŋ kaŋ tee ka timme kaŋ ga man Irkoy nda sargariyaŋ kaŋ si ben kaŋ i gʼi kaa jiiri kul.

Bangandiroo 22:17

Irkoy Hundoo nda woyhiijoo goo ma nee: «Kaa!» Boro kaŋ ga maa ma nee: «Kaa!» Boro kaŋ ga jaw ma kaa. Boro kaŋ ga baa ma zaa hunaroo haroo ra yaada.