Kolos borey batagaa 4:2 - Songhai de Gao Bible

² Wa gaabandi Irkoy ŋaarayyan ga, war ma cindi a ra nda albarka daŋyan.

Kolos borey batagaa 4:2 ပူးပေါင်းရင်းမြစ်များ

Ayuba 15:4

Ni, nʼga Irkoy hunburaa tee yaada, nʼga miileyaney kaŋ boro gʼi tee Irkoy ga ganji.

Zaburey 109:4

Ba kaŋ ay ga bagʼey, i gʼay gandu, ka gar ay goo ma Irkoy ŋaaray.

Matiyu 26:41

Wa hanna, war ma Irkoy ŋaaray hala war masi koy siyandi ka kaŋ zunubu ra. Anniya henna goo, amma gaaham sii nda gaabi.»

Marku 13:33

Wa hawgay! War ma hanna cijin nda zaari, zama war si waatoo woo kaayanoo bay.

Luka 18:1

Isa na filla yaasayante deede i se kʼi cebe kaŋ boro ga hima ka Irkoy ŋaaray waati kul, boro binoo masi hun.

Luka 21:36

Wa hanna cijin nda zaari, war ma Irkoy ŋaaray waati kul hala war ma duu sahã ka hun hayey wey kul cire kaŋ ga hima ka tee, nda ka kay Boro-izʼaroo jine.»

Teegoyey 1:14

Ngi kul tee bine foo ka gaabandi Irkoy ŋaarayyan ra. Ngi nda woyyaŋ, nda Maryama Isa ɲaa, nda Isa armey.

Rom borey batagaa 12:12

Wa ɲaali naataa ra, wa zarabi muɲe. Wa gaabandi Irkoy ŋaarayyan ga.

Efez borey batagaa 6:18

Wa Irkoy ŋaaray waati kul nga Hundoo albarkaa ra nda ŋaaray nda suurandiyan dumi kul, war ma hanna cijin nda zaari ka gaabandi a ga. War ma Irkoy suurandi nga boro henanantey kul se,

Filipi borey batagaa 4:6

War masi alhuzun nda haya kul, amma haya kul kaŋ no, wʼa ceeci Irkoy ga ŋaarayyan ra, nda suurandiyan ra, nda albarka daŋyan.

Kolos borey batagaa 1:9

Woo maaganda se ir mo, za hanoo kaŋ ir maarʼa, ir mana fay nda ka Irkoy ŋaaray, ka ŋaaray war ma too met nda nga ibaayoo bayraa, war ma too nda lakkal kul nda fahamay kaŋ hun Irkoy Hundoo ra.

Kolos borey batagaa 2:7

Wa war linjey sinji Almasihu ra ka war hunaroo gorandi a ra, war ma nin naanaa ra takaa kaŋ nda a cawandi war se. War ma albarka daŋyan boobandi.

Kolos borey batagaa 3:15

Almasihu alaafiyaa kaŋ se war ciyandi ka tee gaaham folloku ma war biney juwal. War ma tee gomni baykawyaŋ.

Kolos borey batagaa 3:17

Haya kul kaŋ war gʼa tee, a ma tee šenni wala teegoy, wʼa tee ir Koyoo Isa maaɲoo ga ka albarka tee Baabaa Irkoy se Isa alhormaa ra.

Kolos borey batagaa 4:12

Epafras kaŋ ti war affoo, Almasihu [Isa] tamoo no, a ga war foo. A ga tangam Irkoy ŋaarayyan ra war se hala war ma tabati ka tee boroyaŋ kaŋ timme nda hakiika Irkoy ibaayoo ra.

Piyer bataga 1na 4:7

Haya kul benantaa man. Wa war lakkaley kanandi ka war boŋ gagay hala war ma hin ka Irkoy ŋaaray.

Samiyel 1na 1:12

Kaŋ a gay a ga ŋaaray Abadantaa jine, Eli ga miɲoo koroši.

Samiyel 1na 12:23

Haya kaŋ ti agay, abada ay si zunuboo woo tee Abadantaa do kaŋ ti ka fay nda ka Irkoy ŋaaray war se. Ay ga war cawandi fondaa kaŋ ga boori a ga šerre.