Kolos borey batagaa 3:15 - Songhai de Gao Bible

¹⁵ Almasihu alaafiyaa kaŋ se war ciyandi ka tee gaaham folloku ma war biney juwal. War ma tee gomni baykawyaŋ.

Kolos borey batagaa 3:15 ပူးပေါင်းရင်းမြစ်များ

Yehiya 14:27

Ay ga alaafiyaa cindandi war bande, ay ga war noo agʼalaafiyaa. Manʼti takaa kaŋ nda aduɲɲa gʼa noo nda agay, ay gʼa noo war se. War biney masi hasara, i masi jiti.

Rom borey batagaa 15:13

Irkoy kaŋ ti Naatakoyoo ma war too nda ɲaali kul nda alaafiya naanayyanoo albarkaa ra, hala war naataa ma boobo Hundi Henanantaa gaaboo albarkaa ra.

Tesalonik borey bataga 1na 5:18

Wa albarka daŋ Irkoy se haya kul ra, zama woo ti Irkoy ibaayoo war here Almasihu Isa albarkaa ra.

Zaburey 29:11

Abadantaa ma nga jamaa noo hini, Abadantaa ma albarka daŋ nga jamaa ra kʼi noo alaafiya.

Rom borey batagaa 5:1

Sohõ Irkoy gʼir dii boro šerrante naanaa albarkaa ra. Ir Koyoo Isa Almasihu na alaafiya daŋ ir nda Irkoy game.

Kolos borey batagaa 3:17

Haya kul kaŋ war gʼa tee, a ma tee šenni wala teegoy, wʼa tee ir Koyoo Isa maaɲoo ga ka albarka tee Baabaa Irkoy se Isa alhormaa ra.

Yehiya 16:33

Ay na wey har war se hala ay bande war ma duu alaafiyaa. War ga zarabi aduɲɲa ra, amma wa bine tee, agay, ay duu aduɲɲa ga hinay.»

Efez borey batagaa 5:20

Alwaati kul, haya kul kaŋ no, war ma albarka tee Irkoy ir Baabaa se ir Koyoo Isa Almasihu maaɲoo ga.

Korent borey bataga 2to 9:11

A ga war tee almankoyni nongoo kul here nda kabedoonay dumi kul, ir bande boro boobo ma albarka daŋ Irkoy se.

Efez borey batagaa 4:4

Gaaham folloku bara, Hundi folloku bara, takaa kaŋ nda war ciyandi naata folloku se kaŋ ti war ciyayanoo naataa.

Rom borey batagaa 14:17

Zama Irkoy Laamaa manʼti ŋaayan nda haŋyan, a manʼti kala šerretaray, nda alaafiya, nda ɲaali Hundi Henanantaa albarkaa ra.

Zaburey 116:17

Ay ga albarka daŋyan sargari kaa ma ne, ay ga Abadantaa maaɲoo cee.

Timote bataga 1na 2:1

Adiši, ay hoyray jinaa manʼti kala borey ma hanse ka Irkoy biɲɲay, i ma Irkoy ŋaaray, i ma Irkoy ŋaaray cere se, i ma albarka daŋ Irkoy se adamizey kul se,

Kolos borey batagaa 2:7

Wa war linjey sinji Almasihu ra ka war hunaroo gorandi a ra, war ma nin naanaa ra takaa kaŋ nda a cawandi war se. War ma albarka daŋyan boobandi.

Efez borey batagaa 5:1

War ma tee Irkoy dendenkey, war manʼti kala nga izey, nga baakey.

Korent borey bataga 2to 4:15

Woo kul si teendi kala war se, hala Irkoy anneemaa ma tonton ka too boro boobo do, i ma hanse ka albarka tee Irkoy se kʼa beerandi.

Bangandiroo 7:12

ka nee: «Amin! Saabu, nda darža, nda lakkal, nda albarka, nda beeray, nda gaabi, nda sahã manʼti kala ir Koyoo wane abada hala abada. Amin.»

Efez borey batagaa 4:16

Nga no ma kate kunturoo kul ma denji ka cere dii nda dobey kul kaŋ goo a ra, nongu foo kul nda nga goy takaa. Nga no ma kate kunturoo ma cinandi ka tonton nga boŋ ga baji ra.

Zaburey 107:22

I ma albarka daŋyan sargari kaa, i ma nga teegoyey deede nda ɲaali kaatiyaŋ.

Kolos borey batagaa 1:12

ka albarka daŋ Baabaa Irkoy se kaŋ na war too war ma huru nga boro henanantey tuboo gaayoo ra.

Zaburey 100:4

Wa huru nga hugoo miɲey ra nda albarka daŋyan, wa huru nga hugoo batumawey ra nda saabuyan! Wa albarka tee a se, war ma maaɲoo saabu!

Eberewey batagaa 13:15

[Adiši] ir masi fay nda ka saabuyan sargari kaa Irkoy maaɲoo ga Isa Almasihu albarkaa ra, maanaa nga maaɲoo saabuyanoo ma bara ir miɲey ra.

Korent borey bataga 1na 7:15

Nda boraa kaŋ manʼti ganakaw ga baa nga ma fay, a ma fay, woo ra ir armaa wala ir woymaa mana hawa koyne. Irkoy nkʼir cee ir ma dira alaafiya ra.

Rom borey batagaa 1:21

Ba nda i na Irkoy bay, i manʼa beerandi sanda Irkoy, i mana albarka daŋ a se. Ngi miilewey tee yaada, de ngi biney kaŋ sii nda lakkal too met nda kubay.

Yunusa 2:9

Tooru yaada ganakey na Abadantaa yankar ka mooru nga arrahamaa.

Korent borey bataga 1na 10:17

Takula folloku bara, ir kaŋ ti iboobaa manʼti kala gaaham foo, zama ir ga marga takula follokaa ra.

Timote bataga 1na 6:12

Naanaa tangam hennaa tangam, hunayan abadantaa dii kaŋ se ni ciyandi. Nʼna seedetaray henna tee seede boobo jine.